上星期五同今日一樣，上上下中文堂就變左黑色暴雨警告，兩次古惑佬都冇返。都唔知佢係咪知道會有黑色暴雨警告，所以唔返。我驚定家食飯果陣會好似上星期五咁多人。於是一打鍾，我就同世雄、柯仔衝左落去買飯。

之後英文堂，我比amy講左一、兩句，休仔係咁嘈我，我就忍唔住同佢嘈上黎。愈講就愈講細聲，差d聽唔到佢講d乜。聽其他人講，佢寸人會寸得好盡，我一直就想試下我同佢邊個會寸得盡d，點知原來佢係咁廢. . .不過我都寸佢唔贏，因為佢講黎講去都係d小學生講ga野『我同你講咩』『我望你咩』『實係喇』佢一講呢d，我就寸佢唔入，得閒真係要諗下如果有人講呢d野，我要點先可以駁番去。後來聽人地講，我大聲寸休仔果陣，amy睥住我。咪由得佢睥我囉，我都唔驚佢ga，如果我驚佢，我都唔敢係佢堂玩野啦~

午膳就係咁玩軍妓，超好玩~~ 地理又係播d同地理課題冇乜關係ga片比我地睇，用左成堂去睇。果d片真係唔知佢係邊到搵番黎，睇果d片好似睇緊賣弄特技ga廣告咁。臨落堂果陣，佢派左張對老師評分ga野比我地填。呢張野我由第一個學期就好想寫，不過可能午膳玩軍妓玩得興奮過頭，想ga野完全都冇d我平時罵人ga feel。

今日係最後上堂ga日子，心情有d怪，好似唔捨得同好擔心。下星期就係考試，之後就暑假，要搏命溫書。經住就返半年學度，就要會考，最後我同d fd就會各散東西。我一諗到呢度，就覺得好唔捨得。所以就放開懷抱，去過餘下ga時間。如果唔係，我都唔會上緊堂寸休仔，玩軍奴啦。依我平時ga性格，邊有可能比人地講一、兩句就會罵番人?不過我諗番起我寸休仔，都覺得自己有d無理取鬧，小題大做咁. . .