呢排我打親日記，都係落雨ga日子黎，都唔知點解~ 我以為璋哥部腦壞左，就得番2個人睇我日記，所以呢排就冇乜心情寫，估唔到仲有傻強睇。感動，感動~ 仲要佢話日日都有睇，如果我唔日日打，咁我咪辜負左佢。

『傻強，我唔會令你會失望ga，我會每日都打，記住日日黎睇丫』

之後經濟果堂對m.c，見軍奴不斷啱，心情就變得好差。講真，邊到有理由架，佢唔係應該低過我咩，做咩會高過我? 唔通我經濟唔及佢?再對多一陣，開始啱番多d，心情先好番少少。到miss叫我地數下啱幾多條，佢話只有12條。what?咁我咪12條都冇?但係我數到我啱16條，我問佢點解會啱得少過我。佢話佢初頭果幾版啱得多，之後就每版得一條啱。下，唔係呀，咁都得。我ga驚訝唔係冇理由，因為前面咁難佢都啱咁多，後面冇理由會錯好多丫? 呢樣野唔係淨係得我認為，豐哥都係咁話。

我地黎做兩個解釋: 

解釋1.   「有咩理由會前面啱得多丫?」可能佢阿媽教佢

解釋2.   「咁有咩理由會前面啱得多過後面丫?」可能佢阿媽教佢頭果幾版，之後果幾版佢阿媽唔教，得佢自己做，所以做成咁掛~

嗯~ 第二個解釋最有可能。為左驗證我ga解釋ga可能程度，我決定聽日令佢份卷，叫佢解釋幾條佢做啱ga題目。如果佢解釋錯ga話，咁就可以證明我講ga野係啱。但係如果佢解釋啱ga話，咁我都冇野講。可能佢真係勁過我 ( 不過我唔會承認ga)