今日又落雨，但係都冇左我上堂ga心情，都係咁懶散~

雖然巴士阿叔已經過左一段時間，但我仍然好懷念阿叔. . . . . . . . ga講野口氣。佢ga講野口氣，就係雞啄唔斷，永遠都係有佢講冇人地講，正~ 我就係鍾意呢樣野，講到人地冇聲出。依家我自己同人講野都係咁，就好似今日我同軍妓講野，我把口就好似機關鎗咁，不斷由個口度噴d字出黎，唔知佢係諗唔到寸我d咩丫，定係佢一開始都聽唔到我講野，所以就冇出聲，得我出聲。之後我同璋哥又係咁，講講下野，叮皇又加埋把嘴入黎。咁唯有放低璋哥，去寸叮皇叮喇。同樣，叮皇都係冇聲出，聽我點寸佢。雖然冇乜人寸我，得我寸人，不過並唔代表我勁，係d對手弱姐。所以，我會向更高難度挑戰，向d阿SIR挑戰，睇下我勁定佢地勁!!!!

阿媽話如果暑假學校有d咩補課，就一定要番。咁學校如果有補課，我實唔會同佢講，萬一佢知道地理要補課，咁我咪要番!!! 番佢d補課會有d咩用丫?平時上堂教ga野已經唔多啦，唔通補課會教得多d咩?番佢d補課簡直係曬時間。我唔番佢d補課，就可以用果d時間做更多ga事情，例如:有更多時間花係其他科度，呢個就係機會成本。

P.S 機會成本指在放棄選擇中，價值最高的那一個。