今日考完綜合果份卷，距離中文說話考試成4個鍾。我同其他人係班房度做自己野，有d人打psp，有d人係班度踢小扶足球，豐哥溫中史，我就溫經濟。溫到12點幾就上去置富食。搭緊扶手電梯落黎時，見到軍奴、葉少同成班人上黎。之後我問軍奴，問佢點樣渡過果4個鍾。佢話坐係美食廣場度睇電視，仲好自豪咁同我講話睇左2套劇集。而且唔係得佢一個喎，佢係同成大班人一齊，差唔多加埋有10個。成大班人坐係果度睇電視，仲要睇成4個鍾。你係未見過電視，定係未睇過電視丫?係度睇成4個鍾，不如返屋企睇啦。你唔係同我講話你屋企冇電影機，所以要係度睇丫，咁折墮?睇劇集姐，返屋企睇咪一樣。你係度睇，簡直嚇親人。其他人見到，仲以為你地係一班連電視機都唔見過ga大陸仔。

之後中文說話考試，真係激死我。我一講野，果南韓農民出聲即刻出聲。搞到我要收聲，偏偏佢講ga野係總合我地咁多果人講ga野，又再講多次自己ga立場。明明唔係最後果幾分鐘，佢又要黎果總合，而且好幾次都係咁，不斷總合我地咁多果人講ga野同講多次自己ga立場。我已經諗好講咩，佢又左住我，搞到我又再重新諗過要講d咩。搞到我差唔多係成組裡面發言次數最少一個。