彪叔終於都講左比我地聽，全班係班名次係第幾，佢仲話大部人d成績都係進步左。

我有d愕然，alien同肥蘇竟然係10至20名內. . .

佢地咁都入到? 冇計啦，鬼叫人地讀會計咩，係係呢一科拖高佢地。

alien ga成績同我差唔多，比科會計一拖，就將我同佢ga距離拉遠。

之後彪叔話叮皇由34跳到24，佢即刻吹口哨。咁姐係咩意思先?好勁丫唔通?得電腦勁姐，仲有咩勁丫?

佢進步?咁又係，起碼今次識得用msn黎出貓丫~ 出左都係得24名，真係勁~

不過話都勁呢，點都唔及賓佬勁。點勁法?咪就係出左貓，佢果名都冇出現係11~30名內囉~ 唔通咁都唔算勁? 都唔知係咪成日碎雀碎到咁勁?定亦或係磨屎忽禍到咁ga成績?

地理果阿sir花左幾個字時間講佢細個點比老師罵ga情況，乜好慘咩? 我仲慘過佢啦，佢試過番學上堂果陣，阿sir唔講書不凸字，仲要係咁迫我地聽佢ga廢話，佢有冇試過先?  實冇架!! 有ga話，佢都有講啦~ 之後佢仲話下星期測驗，叫我地番去溫。溫? 溫d咩丫? 你有講果書咩? 可能我上堂唔專心聽唔到囉，但係我唔知點解次次上親地理堂，都聽到出面條蛋散係咁講廢話囉~

我要溫中史小測、補測，中文小測，經濟小測。做中文作文1~2，中文note，中史論題。有咁多野都未做，仲叫我溫地理?我寧願帶本數學書番去拍蚊，都唔帶地理番去溫喇~