天時暑熱，買橙同蘋果，點知一食，橙酸到死，嬲嬲地想即刻丟佢，但我個fd高聲叫停：[咪住!]
(＞_＜)
佢用個大碗裝大半碗溫水，將其餘兩個橙連皮放水入面，10分鐘後，再切開橙食，嘩！
真係甜喎。我仲將之前食剩半個酸橙，放保鮮袋，然後照辦煮碗，浸溫水10分鐘，半邊橙真係變甜！
我搞緊呢個小小實驗時，發現旁邊切開蘋果已經變鐵色。點知我個fd又有辦法，佢將幾個橙榨汁，用橙汁浸蘋果10分鐘，結果蘋果又變番白雪雪！(^O^)
PS:
理大應用生物及化學科技學系講師梁潤松後來同我講，理論上講，橙有酵素，酵素溫度稍高環境會更活躍，可以分解橙入面酸性分子，咁橙果糖就會多過酸性分子,所以會甜。佢又話，蘋果有鐵質，切開遇空氣會氧化，但橙就有還原型維生素C，係天然抗養化物質，所以氧化蘋果，浸橙汁後，會變回原狀。
|
