真係好耐都無打過blog lu...係呢段時間做左d咩呢,真係好多,而家聽緊洪卓立初初出道既歌,唔知點解,個時我覺得好好聽,但係而家就多左一份特別既感覺,唔知點解呢,不過都好好聽^^

今日同左媽媽同姊姊出去睇家俬,唉,就來搬lu...其實我自己就唔係太想搬,可能我一出世就住係度,覺得特別有感情啦,但係媽媽咁想搬,而且佢咁辛苦先搵到一間佢岩既,咁我都無咩所謂啦,而且個度又唔係有咩特別唔好,不過有時見到媽媽做野咁辛苦,番到屋企有時又要搞搬屋既野,真係好辛苦,好彩姊姊識搞,會幫媽媽搞,但係我就咩都唔識,真係無用...讀書又唔係叻過人,唉...搞到都無野令媽媽開心既...只好有時同佢地一齊出去,陪下媽媽飲下茶咁,唉...但係又唔敢同佢地講,驚佢地擔心...佢地已經好忙ga啦,我再成為佢地既包袱佢地就會好辛苦... =[  希望媽媽同姊姊搬左屋之後會輕鬆番d啦!而我都要俾心機讀書,第時除左養活自己之外都要養埋媽媽同姐姐!重有一號!我愛你地唷!

中三就要選科啦,真係好擔心,又無之前d經驗wo,好驚自己揀錯科...入唔到u,就咩希望都無啦,希望個天保祐我揀岩科啦!

祝各位f.2既同學final exam考到自己想要既成績,入到自己想入既班,揀到自己想入既科!