[[[[[[[[[呃 唔好同人講............]]]]]]]]]]]
對唔住,我琴日唔係唔想講野,只係可能唔識點樣去表達自己,
去之前果晚諗起過以前同伍嘉偉一齊玩
諗起過妳,禮堂見到妳果陣仲覺得開心
但係見到妳地又唔知講咩好,我呢2年完左中學,
日日唔係打機就番工就小說同動漫,我都諗唔到同人分享D咩好
我又唔習慣同人面對面講野,一對一咁講可能都仲好D,
但人一多圍埋講果陣我就更加唔知講咩好
我係妳地旁邊有聽有諗但係就係諗極都唔知講咩好
搭MTR出去果陣,我都企係度聽左好耐諗左好耐就係諗唔到講咩好
跟住真係諗到攰走左去坐唉
我都想講好多野,但係就係做唔到
因為唔記得幾時開始,我慢慢唔想諗野,
跟住慢慢個腦可能就咁死左,變到想講都諗唔到講咩好
( 以前中一二果陣會諗同人MSN會諗好多話題,點樣接落去
同人用文字講野會習慣D,但一同人講野就會覺得緊張諗唔到野咁
之後又慢慢覺得諗野好煩唔想話題諗野思考
揀去做美心都係因為佢夠自由又唔洗諗野唔洗應付客人自己死做就得
可能因為咁我就慢慢變到諗唔到野,成個腦好似死左咁 )
同埋本身應該係比較慢熱,玩BOARD GAME果陣我已經刻意叫做講多D野
以前玩D集體遊戲果陣果陣都係無咩講野好似係
同熟既人會講多D野,無咁拘謹
但係就要分D時間去融入,去放開自己個心
琴晚妳地問我我做咩唔講野,我都唔知點答好
覺得自己無必要同妳地講野,覺得自己唔同LEVEL?
可能係啦,係自己唔夠好,講野又悶,唔講野好似舊木咁
想講野又諗唔到,係自己失敗
番到去其實幾SAD,諗左幾個鐘想去WHATSAPP妳,又唔知妳咩電話
諗過打133聽到妳把聲就知係咩NUMBER
但係咁又太煩到人,
跟住訓醒先醒起可以ADD妳FB
ADD妳FB會諗妳會唔會覺得必要ADD我覺得我好差唔ADD我
每次睇FB都係未ADD我果陣係有D SAD既,不過我咁既人唔ADD都係應該既
我記得中一定中二果陣生日送左盒高達比我
雖然我其實都無玩高達不過都好開心因為好似係印象中第一份禮物?
以我依家既記憶好似係啦
但之後好似點樣無再聯絡我都唔記得了
可能係覺得妳上左中學有自己既生活唔想煩妳?我真係唔道記得了
跟住之後妳電話都轉埋我就搵唔到妳了
可能係以前搞到我會比較無咁容易放開個心懷
同我本身都係要好耐先可以對一個人好FD咁
除非係D好主動既人咁我就會好D
因為唔係唔想同人講計,只係我通常諗唔到D咩
咁KEEP住同我講我又會係易D同果個人FD D
下面係我中學既經過不過都幾長
我中一入左田家炳啦,咁我參加果D入學試,編分咩班
果陣我就睇下果個課室有咩人啦
跟住睇暈曬係覺得有一個唔錯
跟住之後分完班發覺自己又同佢一班
跟住可能就係咁就中意左佢
跟住之後就用D間接既方法拎到佢MSN跟住就開始同佢傾計
一開始仲好似係問佢功課haha,果陣打字又慢,
跟住每講完一句野就會打十幾粒點..................
有次睇番都覺得以前好ON9,
跟住慢慢就係MSN度傾計而現實又唔敢點同佢講野咁
跟住之後就一齊左,但係咩都無好似平時咁MSN傾
然後佢同我講話佢中意左個通識代課老師
我係度諗佢係咪昆我其實只係想同我BYEBYE咁
唔知反正就係咁,之後我中二果陣好似都無咩野
只係課室後面有個壁報板既,跟住我會係咁用拳頭打落去打到紅曬,痛,流血咁
到依家我有時握緊拳頭有時都會痛,可能係因為果陣不停咁打搞到有D位係真係好唔番
不過果陣我都仲係中意佢仲有同佢KEEP住MSN咁
跟住到中3有一日我放學落雨就係學校有蓋操場係度同一班人玩國王遊戲
跟住就有揹住個女同學唔知好似行一個圈咁之類
但係我中意既都一樣係我一直中意果個女仔架嘛
我果晚就MSN佢跟住佢好似不理不睬咁我就覺得有D唔對路
跟住就唔記得左問佢仲係咪中意我定話我仲中意佢
跟住就又一齊左,果晚真係好開心
之後今次就有送佢番屋企咁,咁佢住華明我住清河
咁方法就係搭273A送佢去華明跟住再搭番去清河
果陣BUS我都係好緊張唔知講咩好,一直諗一直諗又諗唔到講咩好
好多時就係咁無野講又一程
啊再一齊番果日係11月4號
跟住到到2月14果日我就係度等佢啦因為果日我生日
跟住等左耐都等唔到
之後佢果班女仔FD過左好耐先黎話佢想同我分手跟住整左餅巧克力比我
跟住我下接左盒野,無講野就走左番屋企
之後我開始DEL曬所有FB FD又係學校唔理人
但其實我又唔係果D可以完全唔理人果D人,人地同我講野我又唔可以唔理佢咁
之後我就開始同人講番野ADD番D FB咁,不過好多都無左了
跟住升到高中開始
我入左班三十幾個女仔,4個男仔既班,
果4個男仔佢地有佢地D FD咁一小息LUNCH就過左去吹水玩之類
我又無咩呢D咁既2FD,以前我LUNCH放學都會係度同人打排球
但之後其他排球隊D人唔記得做咩無打到,
我會怕好似唔合群咁,好似成日都無野做咁,
跟住我就開始中午訓覺,小息訓覺,放學即番屋企
有時我係唔眼訓但係又唔知有咩做咁就係度扮訓覺
跟住3年完左就完左中學
搵唔到咩目標又無咩興趣之後就變左無錢去做野,做完一輪又去抖番一排咁
其實染左個髮都係想試下D唔同既野睇下染左髮係咁染左個色試下
藍色又好快退色,過左幾個月就變左咁既MK色
我都諗住遲D等長頭髮D剪Q左佢架喇
跟住妳係旺角妳話我融入左果2個MK果陣
心諗的確係好柒真係要剪左佢
打左幾個鐘終於打完
|
