今日要返西餐，咁我就叫左鱷魚,水魚,鄧奶,皇上,去碌齡

水魚唔知做咩，要去圖書館....唔理佢喇，跟住我地坐車去大窩口

我地去左食粥，叫左偉哥來!!食完後諗住去碌齡，點知間野未開= =2點先開，

咁我地未去打機囉，差唔多到2點去碌，我地個個都玩拉西，係咁落坑，碌到差唔多3點

我地就全部搭地鐵去九龍灣返西餐，西餐又整個蛋糕，我地個蛋糕整到成塊曲奇咁

不過最尾個樣都似返個蛋糕，但係就唔食得概

放左學之後，我,鱷魚,偉哥,鄧奶,皇上去打邊爐!!!!

偉哥一開始就叫幾個公仔麵，偉哥你好肚餓咩= =

之後佢地竟然叫左碟雞子 ~ 傻架 ~ 冇人食 ~ 佢地話個個都要食

我粒唔小心跌左落地 ~ 呵呵 ~ 唔洗食，但係仲有成碟係度

之後個爐出煙，好大濃味，原來個煲底濕左

個人就將個煲放埋一邊，去拎第二個，之後佢地話將d雞子扔晒落個煲入面

咁我就成碟倒晒落去，之後個人拎左煲來，佢將成煲野倒晒落另一個煲= =

失敗左，最尾我地將d雞子搵晒出來放係隻碟度，再搵d野庶住

食到一半，鄧奶話要返歸，皇上同偉哥就送佢去搭車

我同鱷魚就繼續食，臨走果時我地叫多幾碟肥牛 ~ 正

熟左，我、皇上、鱷魚係度搶，之後夾住成炸肥牛係度影相 ~ 哈哈

跟住我地就走喇，送左偉哥返去，我同皇上,鱷魚去搭巴士,

返到屋企已經好夜喇 ~ 沖涼訓覺

今日偉哥晨咁早約我出去陪佢買銀包，佢係千色店睇中左個

買一個8折，兩個7折，偉哥係咁叫我買，咁我未買囉

我之前已經想換銀包，不過冇諗住買咁貴，一百六= =

我呢d窮等人家，幾十蚊個銀包已經滿足啦

買完陪偉哥買衫，好彩果間野冇折，哈哈

買完我突然間想去碌齡，之後就一齊去碌

嘩哈哈，我贏左偉哥喇，我差小小就輸比佢

之後就各自各返屋企喇

今日又係晨咁早起身= =要去飲茶

去到茶樓 ~ 我地訂左間房 ~ 但係得兩張台 ~ 唔夠坐

之後就開多間房 ~ 爺爺同果d司機就坐果張

間茶樓要自已出去拎野食入來 ~ 所有點心都係自已拎

咁果d人請佢返來做咩= = d點心同香港食果d差唔多

飲完茶就搭車去九洲港坐船返香港

原來買左1點船飛 ~ 仲咩咁快返香港= =

先住得一晚 ~ 返到香港第一時間打比鱷魚問佢出唔出來

佢又話皇上要做project唔出 ~ 所以佢都唔出

返到屋企好悶 ~ 唉

今日晨咁早就起左身,因為我玩左陣電腦,遲左,所以要搭的士,

話咁快就到左中港城,食埋個豐富早餐,之後就去出境大堂,

上船啦,好暈==坐係窗口位,好飄呀,攞命,

到左斗門入左境之後,就坐車去辦涌(我鄉下)

食飯啦,好多烏蠅同我爭食 ~ 之後就去拜山喇,

d香好鬼葉眼- - 拜完就燒炮獎 ~ 

之後就反去食晚飯,夜晚好鬼死多蚊

食完就坐車去井岸果邊訓

老豆同姑姐果d打麻雀,唔多理我,我自由喇,

我自己一個落街,到處行,d電單車亂咁飛~癡線架
 

去左食宵野,好多野食

食完就返上去訓覺

仲諗住今日返鄉下，原來今日姑姐佢地返鄉下先，我地遲一日= =

好悶 ~ 之後叫左鱷魚、鵬鵬去跑步 ~

我跑左一個圈都冇就唔跑 ~ 再跑我會中暑

鵬鵬超勁 ~ 係咁跑 ~ 冇停過 = =

跑完我地去長發食飯

之後我地再去戲棚食野

呢幾日係戲棚食到破產 = =

聽朝8點半船 ~ 又要晨咁早起身 ~ 慘