今日第一堂普通話堂，要讀自已個名，讀左兩堂= =

中文堂，又係到講點寫信，英文堂又係要抄野，電腦堂又整d悶野 ~ 唉 ~ 

今日早放^ ^放左學就同皇上、小許、鱷魚、偉哥、洗奶、鄧奶去打機

鱷魚同我地去到機鋪一個鐘都冇就走先 ~ 唔知咩事呢

偉哥著校服都入到 = = 我地係金星打左陣就去金禾行個圈再上英皇gamezone

成班x街要我地比身份證佢地睇 ~ 嘩哈哈 ~ 我冇帶身份證 ~ 入唔到 = =

之後我走後門入 ~ 入到喇 ~ 仲玩左幾鋪灣岸添 ~ 哈哈

打左陣 ~ 偉哥比人捉校服 ~ 之後偉哥又走後門上返來= =

我地打完機皇上同鄧奶返屋企 ~ 我地就去左食粥

食完粥我、小許同洗奶去打保鈴 ~ 好玩好玩

打完我就同小許四圍行 ~ 之後我地返長發食野 ~ 

小丸子   金菇肥牛... 好味好味 ~ ^ ^

今日要考普通話喇，成日係到溫溫溫溫......

溫左好耐，做卷果時都係一題唔識 = =

今日數學堂又係度玩打手掌

我仲唔小心打斷左皇上把間尺添 ~ 我知佢唔介意概 哈哈

普通話口試果時要選題目講 ~ 唔識 ~ 講左好多廢話 哈哈哈

放學肥程係門口等我= = 佢唔洗返學

我地又去左食煙仔喇 ~ 啦啦啦啦 ~

悶 ~ 成日冇出街

一整天都係睇電視 ~ 纜球

冇野做 ~ 睇足成日 =  =

到左夜晚先記得聽日考普通話

普通話 ~ 又筆試又口試

辛苦   辛苦 ~ 唉

今日同皇上鱷魚去睇保衛奇俠，套戲2個半鐘，好長

一開始以為好好睇，點知原來套戲係好悶，成套戲完全唔知講咩

成日講返以前，好亂，呢套野好暴力同血腥，仲有大量III級野~哈哈

聽講呢套戲有III級版，要去唔知咩戲院先有得睇，貴多幾十蚊，但係都有好多人睇，真有錢

好多人都話好睇，可能佢地睇得明掛，而我就完全理解唔到套戲講咩喇

睇完佢地話返歸，咁我都走啦，走左之後佢地又唔返屋企，兩條友行青衣城= =

返到樓下，我聽到好快概腳步聲，一個黑色概物體衝緊過來，睇真d，原來係小許

咁都撞到佢，真有緣 ~ 哈哈

今日返學又落雨，好彩又有帶傘!! (哈哈)

普通話堂要默書喇，默晒中文字，拼音就 ~ 唉

中文堂果時超好玩，同家期、小許、丁丁玩猜輸左用間尺打手板

小許打人超大力，仲打斷左皇上把間尺，好彩小許有把賠比皇上~哈哈

之後我同丁丁玩 ~ 我地就係咁打打打 ~ 打到隻手紅晒 ~ 好痛

之後水魚、嫻姐同唔知咩玲都一齊玩，咁多人，輸左好大獲

有次嫻姐贏左，個個伸隻手板出來比佢打，鄧奶唔知幾時走左來，仲伸隻手出來

嫻姐就打埋佢，哈哈，鄧奶冇玩都比人打，超搞笑

星期一又要考普通話喇 ~ 成日都普通話 = =

呢幾日都係搵下普通話好d