自从琴晚同女人倾完之后就开始好down,哩仲好down嘅情绪一直带到今日.上数学课果阵,唔知做咩,突然好嬲.其实原因好简单.曾琦都係好似平时咁,讲嘅嘢都係平时讲嘅嘢,但係我今日就异常咁嬲,嬲到唔想出声...不过,好快,因为佢真係好抵死,所以我又笑翻...

晚黑,翻到屋,换咗件衫,就同女人去吃寿司.係女人话要去嘅.佢话我d老毛病又来喇,唔开心就郁住郁住,好易病,所以要同我去吃寿司,好好咁发泄下.嗯,如常地,佢係我旧寿司度落咗好大pet wasabi...之后,我d眼泪就死咁飙,死咁飙.开始喊到收唔到声...

我唔知道,我真係唔知道.我唔知道自己点谂.我唔知道佢点谂呀!我觉得好辛苦呀!究竟佢将我放係咩地位度.而我又应该将自己放係边度.我觉得好迷呀...女人唔提起,我唔觉得有咩唔妥咖.不过佢一提起哩个问题,唔知点解,我就开始死咁谂,死咁谂.开始觉得有d嘢,开始恐惧,开始有好多好多好奇怪嘅感觉,好奇怪嘅想法,好奇怪嘅情绪...

唉∼不过点都好喇,多谢你呀.女人!