今日落住毛毛雨，唔知個活動會去邊度搞呢，最後決定係學校搞返，我要冒住風雨，著唔夠衫既情況下出去掛旗仔，雖然唔係好凍，不過好大風，吹死我。掛完旗仔就要掛banner，掛完banner就搬抬，搬完抬就整返自己個攤位，仲要整埋隔離果個。

諗住食飯果陣，陳sir又叫我做野，我話食完先做，咁就食完先做啦。食完又要整自己個攤位，好快個活動就開始喇，開頭琦琦佢地都唔係好熟手，不過佢地好快咁做熟晒，之後好多人排隊，做到佢地好忙，d匙扣好快咁派完，d師拉係度鬧喇喎，我叫陳sir停左個攤位，佢又唔肯，好快d相紙都用完喇，陳sir先肯停左個攤位，d師奶仲係咁鬧，我叫陳sir話去搞掂佢，最後個攤位停晒唔影相，d師奶又話要影相~~唉，好煩呀。

4點幾，個活動完左，d人開始走喇，我就要開始搬搬抬抬既工作，做到我虛脫•••做完上返itsu休息，好似死左咁，冇晒力•••

返到屋企覺得開始病喇，又發冷，又頭痛，8點幾就訓左喇•••