今日晨咁早出左佐敦會合我爸媽，跟住一齊去左尖沙咀食lunch，發覺果度食飯都好貴，如果係果度返工，食飯都食晒成份人工喇。之後自己出返旺角行，去到又冇心機行，因為實在太熱，行左一陣搭車返屋企。

今日下午收到一個電話，問我6i論壇個網址，我果陣都心諗~~佢地唔係做緊愛心大使架咩，咁得閒上論壇玩既~~原來佢地係偷懶，偷偷地上網，搞到有兩個人做到死死下~~辛苦你地兩個喇~~橫掂都最後一次，做幾耐都冇所謂啦！！

6i呢班小妹妹俾我既印象真係深刻喇，雖然成日都小小事嬲對方，希望你地大個左會識諗啦！！

下兩個星期終於有得打波喇，唔知到時我肥胖既身體仲跑唔跑得郁呢？