朝早起身，見酒店D設施咁靚，又去多一次bath，真係舒服，跟住又落左去玩老虎機。唔好以為我好爛賭呀~~其實我係尋晚果陣有部機我好想玩，可惜果陣太多人玩唔到~~朝早去到，果部機果然冇人玩，我又玩左一陣，之後就去左食早餐buffet，雖然早餐自助餐係送既，不過我都冇執輸，食左唔少野，食到飽飽咁~~

之後搭車去左氹仔玩，不過好快就去完返酒店執野走人。去到碼頭又去左飲茶，不過朝早食得太多野，搞到食唔落野。

我同屋企人提早左上船返香港。我地4點幾就返到香港，見早早地，就去左深水埗行街啦，我屋企人話我羸左錢就身痕要買野~~

最後行完都冇買到野~~

返到去同brenda icq果陣，原來佢細妹樂樂去左美國玩喇，搞到佢好悶，又好掛住佢，佢好似有d唔開心咁，「brenda唔好咁啦~~十二日好快過架喇，呢段時間我會同你icq架麻~~雖然我唔及你妹，可以同你玩~~所以都唔好咁唔開心啦~~」