今日3個妹妹(琦琦係rain既妹，都算係我妹妹既)請我食飯，我當然開心啦，不過我遲到•••真係對唔住喇。

不過一去到，佢地好似好驚我咁，3個都唔想行近我，其實我都有少少唔開心架，不過佢地可能太耐冇見我，又唔慣有個男仔(仲要大過佢地好多)同佢地一齊行，佢地有d唔自在•••

食飯果陣琦琦失左蹤，食完飯果陣同佢地行街，佢地好似唔係好識路咁，係咁兜圈，雖然一路行我都冇出過聲，但睇住佢地既背影行黎行去，同埋見到佢地d感情咁好，我個心都好開心。

行到4點幾，就行返去西鐵站搭車走，突然我覺得自己好似格格不入咁，真係唔知點解，就係咁，去到朗屏同佢地講byebye之後就分開左喇，唔知下次幾時先有機會見面呢，我真係好想成日見到佢地架~~

今日玩唔到保齡球，希望下次可以有機會同我3個妹妹一齊玩啦，我真心祈求呢一日快d來臨。

我呢3個妹妹對我咁好，我唔應該唔開心既，應該開心先係。