今日朝早訓醒左~本身諗住陪jelly出街~

本身諗住返個學先~之後兩點半上完果堂投資唔上3點半果堂

咁兩點半可以去搵佢

點知自己傻下傻下咁返學以為有貼士\./

冇囉~白返一日~又唔係聽書~

後來想走架啦我~果時兩點半想去陪佢~

點知佢又話要等等呀沖涼~又話會好耐~搞到我唔知應該做D咩好

同同學仔傾下計= =變左食埋飯~仲so 埋hand~贏左40幾蚊但係唔多開心

我知佢果時好嬲架啦~唉~想走又走唔到~我都好憎自己

憎自己講完又唔實行~明明講好左又變左做第二樣野

好憎自己依種性格~好想為左佢改~唔想整到佢嬲我

因為我真係想陪佢~.~(不過如果真係陪佢我至少都要返屋企換衫= =

我返學返到好熱= =出哂面油~點見人~)

之後CY果科派卷~得果60.5分~人地個個70幾80幾

搞錯呀~明明溫同一樣野差咁完...估d fd唔到囉~佢地溫埋mc...

之後仲要傾保險份project~好彩成班組員唔多鍾意傾~都係是是旦旦既人

所以傾左5分鍾就散~放學同傑仔一齊~同佢唔知講咩好~始終唔多熟~

不過我仲係度同佢講爛gag~都傾左唔少野~係同學面前我始終都係唔想咁正經= =

唔開心都要扮到好開心仲好玩得咁~有時真係唔明自己扮乜~

唔開心咪唔開心囉~但係係同學面前做唔出~可能我怕瘀~又可能怕佢地會離開我

其實我最怕係聽到同學安慰我~因為我性格太孤僻~

所以成日都一齊玩~唔理當時係咩心情都好

傑哥落左車之後我即刻打返電話比jelly

自從上左大專之後~第一次好甘心咁比人鬧~因為真係我錯

其實我上堂食飯果時...時時刻刻都係想打個電話比你~傳個sms比你~

想關心你~知你受左傷好想陪到你~知你同你前男朋友分左手好想安慰你

但或者佢又講得岩~我地根本唔熟~有時我對住佢~都有少少慾言又止既感覺

但係就係唔想佢唔開心~唔想佢嬲~唔想佢受傷~想佢開開心心地過日子

不論陪伴在側既係邊個都好~只要佢喜歡就可以

不論陪伴在佢身邊既人唔係我都好~我都會默默為佢著想

所以唔想佢嬲我~我諗諗下原來一月份我大把時間~@@

唔洗返學只係返4日學考個試就得

到時我一定會陪你只要你需要有人陪~我就一定陪你