成個星期都冇打日記喇...

呢排成日都落雨...都唔知做咩!!!

今日都唔例外...

今日學校搞咩總理就職典禮...所以下午唔使返...

上晝都d堂都幾易過...

世史:阿sir唔知做咩冇黎...佢呢排唔係遲黎就係唔黎...

玩野咩...交左學費架!!!大佬!!!!

中文:真係好悶...講埋d新詩...佔左大半班都冇聽佢講..

旅遊:吹水...吹吓依家踢街波既潮流

中史:係咁抄野...堂堂都係咁...冇新意

放學同大衛,維西返歸...

隔左幾日冇打日記喇...

星期六,日返大陸飲...

有4場要去...但係只去左兩場

今日落好大雨...今日其實成日都冇咩心機...

成個腦都係諗緊一件事....同大衛傾過吓...

諗通左~~冇錯...唔好理以後會點...總之唔好放棄..如果唔係將來一定會後悔點解當初要選擇放棄!!!

今日掛起三號風球..鬼咁大風

仲要返學

尋日調左位...

我隔離係莉莉...前面係婷婷and庭峰...後面係heidi and 傻強

都唔會悶...

今日music唱歌到我地個組...成組人都驚呀...

我地成組都唔錯...係我同維西細聲左d...

但係一到合唱個位就唔錯...

lunch同大衛,維西,傻強,志華一齊去左"冬菇亭"食...

行過去"冬菇亭"差d俾風吹走...

咁大風...好心就停課啦

今日因為下晝開家長會..

所以下晝放假...正...

今日第二個小息...

游捷言陪我幫miss攞野...

一上到4樓...見到凱男好嬲咁衝過黎...

我仲以為佢玩

點知一吓就推左言落地...同佢"講數"

原來佢地之間有d問題...

言又係抵死...做埋d野得罪凱男

不過唔關我事既野就少理啦...呢d始終係佢地既問題...

放學返到屋企食個飯...

之後睇<一公升的眼淚>...ok好睇...都好慘!!!

今日返學校補課...

補中文...搞埋d咩個人演講...

係學校坐到放學都未輪到我講...

今日基本上返去係冇用架...

放學返屋企換套衫去飲茶...

飲完茶返歸時竟然係我住個座見到miss lee

佢一見到我就問:你住幾樓

跟住我答左佢...佢一句"哦"就拖住個小妹妹走左...(咩態度呀=.=)

原來佢有個唔知親戚定朋友住係我附近...(我肯定被miss lee拖走個小妹妹係住係我個座)

其實唔止miss lee個親戚定朋友住我個座

連陳副校個阿媽都係住係我個座...