英文堂:默書...我識架...因為我有溫書!!!

旅遊堂:好快過...同taffany chan吹水...

文學堂:又俾林sir寸我保衛地球喇...仲以為佢唔記得呢回事!!!兩堂都過得好好笑...

中文堂:好開心...我已經冇差miss功課喇...之前欠個d都清晒喇...我暫時都做到儘量唔欠文功課喇... 呢排都冇欠功課...交足晒呀!!!另外有樣野都幾不可思議...我之前有篇文竟然可以同柏林,婷婷,王琳呢d作文奇才俾miss睇中攞去比賽!!!難得呀...希望唔會只係得今次啦...我要keep住呀!!!

lunch同大衛食...

世史堂:陳sir又唔知做咩喇...扮超人變身 佢唔講我以為佢扮緊怪獸...我真係唔知邊個超人似怪獸囉!!!

放學留低同大衛,婷婷,俐俐做board...做到5點先走....

中文堂志華傻左...

miss chan叫我地讀課文...志華唔係讀...係rap課文...

又做埋d唔知咩既動作同唔知咩既表情...笑都笑死...

中史堂就黑仔喇...亞點叫我幫佢再支紫色墨水筆...點知我一用力支筆就爆墨...

爆到成隻手紫色...最慘係條褲都有...

搞到要去廁所洗!!!

lunch同大衛,維西,鮑魚一齊食...鮑魚講左好多好好笑既野俾我地聽...

仲講左佢下一個計劃俾我地聽呀...

下晝兩堂講"性"...都幾悶吓!!!

有兩日冇打日記!!!

本來尋日想打...但係唔知點解上唔到黎...

今日係俐俐生日呀...

lunch成班人同俐俐慶祝...都係buy左個蛋糕返學校!!!

個蛋糕好好食呀...雖然之前同維西,大衛食左野...但係都食左一份蛋糕

今日都過得好快....

俐俐:生日快樂...

今日一返到班房就俾莉莉係咁"殊"...

估唔到尋日個遊戲未完架!!!當我同大衛想搵機會"殊"番佢個時佢竟然可以唔講野...冇得報仇!!!

p.e.堂係到做體能...又掌上壓,sit up,跑圈同跳繩...但係都唔夠獅藝個d變態!!!

兩堂p.e.都係做呢d...不過都唔係好辛苦!!!

lunch幫阿洐慶祝生日...好多人呀...

我地仲buy左個生日蛋糕俾佢...點知個個都飽...冇咩點食~~浪費左!!!

有人仲錫左阿洐一啖...不過唔開名...唔知佢想唔想我開佢名

下晝都係咁過...

一放學就同大衛返歸...

阿洐!!!祝你生日快樂

               一年靚過一年

               最重要係身體健康!!!

數學:我真係好俾心機聽書...兩堂都可以認真咁做學!!!good呀!!!

中文:呢堂就心散左d...掛住同志華寫埋d無聊既點歌紙...

       不過都有聽到miss chan講書...

文學:林sir用左成10分鐘寸庭峰同維西...首先維西話左庭峰一句粉腸...

林sir聽到...就問咩係粉腸!!!問庭峰點解俾人叫粉腸!!!

林sir只圍繞住呢樣野都寸左成10分鐘!!!係10分鐘呀...唔短架...你試吓俾林sir寸10分鐘...

包你求生不得,求死不能...

小息俾阿點,年糕用手機影相...影左成個小息=.=

英文:做listening...

lunch同大衛,威,富仲有兩個唔知邊個一齊食...

跟住兩堂好快過左!!!放學成班要補maths

留心左一陣就同婷婷,莉莉,大衛玩唔講野...邊個講野就要俾人"殊"...好無聊呀!!!=.=

最後miss tang上黎追功課...

好開心我冇份...因為我冇遲交功課!!!哈哈...

我要keep住落去呀...