今日出完去食野之後返屋企~

係屋企打機呀~溫書呀~睇碟呀~

睇左"冬蔭功"~嘩~超正~

tony哥超勁~呢d就係真功夫喇~打到咩咁...

今日考英文卷五~ok容易啦~

之後有一個成1個鐘小息~又係到吹水~

之後聽人講話苗元豐係廁所仆親~仲俾條鎖匙插到大脾~ 唔係掛~

最過份係俾人睇到佢係廁所除褲睇傷口~唔係掛~

小完息就上禮堂做中文聆聽同卷五~容易!!!

放學番屋企換衫飲茶~飲完茶行左陣返屋企.......

今晚打邊爐....正

今日考旅遊~

除左第一part之外~其他都幾易~

我諗分數都會唔錯~

考完之後落左去等考中文oral~

係到吹水~好好笑...

中文oral都好易~但係朗誦方面有d快~

小組討論方面都唔錯~不過較少發言~

好彩miss都話我地全部都高分~表現唔錯~

之後返屋企無無聊聊咁過~

今日考世史超難呀~

一派就派10張單行紙俾我地~

嘩~傻的...一開始我慢慢做~諗住大把時間~得4題~考2個鐘

點知做到一半先知冇咩時間~最後剛剛好做晒~ 寫左4張紙

之後返屋企~再出左食野~食完之後去左buy側田隻碟~最後返屋企~

返到屋企都係溫吓書~睇吓電視咁囉~咁又一日喇

今朝一早返到學校就考maths~

嘩~好難呀~考呢份卷都唔知死左幾多腦細胞

考完之後小息~之後再考maths~不過係只係考mc~

放學返左屋企食飯~2:00要返學校考oral~諗住攞埋個旅遊科file返學校交~

點知就趕住出門口唔記得攞~ 今日係最後限期喇~

諗住聽日再交~miss wong唔會咁冇人情味掛~

考完oral大約2:15~我同大衛一齊返屋企~途中超爆笑~

返到屋企冇耐~miss wong突然打黎我屋企~

叫我聽日一定要交~唔交冇分~搞到我幾唔好意思

我幾時都話miss wong最好人架啦~