今日超.......悶!

返到公司又冇咩做,打左成日機...發覺自己有啲似>>"蛹"員<<

不過都唔係完全冇做野!今日都做左單萬幾蚊嘅生意!!

但係個客好仆街!又彈三彈四,又話要平D...

我真係想同佢講"冇錢買唔好行咁埋吖嘛!"不過算啦...

鬼叫佢係我舅父d熟客咩!

放工之後,阿BLUE打個電話嚟吹左陣水,我發覺佢真係好白痴...唔想講...

因為尋日實在太累所以冇寫日記!超多野做!!

尋日朝早一返到公司就要出街做嘢!由西營盤過灣仔再去中環...

都好在我三点幾就可以收工喇!如果唔係就真係累死!!

但係發生左一件唔愉快嘅事!令我覺得間接害左個女仔!

唉...

今日個女仔激動到𠝹自己隻手...有成7cm...

最衰都係個男仔...搞到個女仔咁...之後仲要我去安慰個女仔!

唔知以為我搞到個女仔咁,真係shit!!

個女仔其實無做錯,只係個男仔太著重外表而忘記左個女仔嘅優点!

希望個女仔可以早日"康復"!!

今日唔洗返工!瞓到12点幾先起身!!超爽~

因為之前做野整傷左隻手,所以兩点幾上左那打素判傷.仲叫左細華過嚟陪我!

等左超耐!成個幾鐘頭先到我!入到去仲要只係幾分鐘就判完=_=好兒戲!!

搞掂之後同細華過左大中食豆漿大王,仲撞到阿榮,Cindy同埋佢地個女!

之後細華上左我屋企打機!!

今日都幾充實!!聽日又要返工...係一個人!超悶...唉...

唔知聽日細華同阿欣出街之後會有啲咩"賽後報告"呢??

無聊地開左個blog...

可能因為我一個人啩!雖然同佢分開左,但係我發覺自己無唔開心!

反而係一種解脫ge feel!

今日下午見過佢,佢俾左條頸巾我之後就走左...

依家心情矛盾中...應唔應該留住條頸巾呢...

好煩呀...唔諗喇!