記得呢首歌係晌我小學一、二年級時

即大約96-97年時第一次聽到

已覺個曲好好聽

果時嘅我，

仍係個傻戇戇嘅小學雞仔。

由於果時屋企多數睇亞視D劇集而唔多睇無線果D

所以果時都唔知呢首歌係"天地男兒"嘅主題曲

係後來有電腦先知道返呢首歌嘅資料

套戲係96年無記播.....

呢首歌除左個曲好聽外，

D歌詞亦係令我鐘意佢的原因之一

每段開始至副歌，

D歌詞與曲令我真係諗返起好多過去嘅野

記返起由做小學雞至中學嘅生活中大小事情，

以至所識嘅人，

自己開心唔開心嘅事

當中亦包括唔少連自己發夢見返都覺得可笑白痴嘅事等.....

實在有一股令人感嘆甚至傷感的滋味

至於兩段副歌部分，

就係激勵嘅部分。

當中帶出被人嘲笑與睇小的苦況

並有着叫人要從艱苦中奮鬥的意思

因此將呢首歌獻給我所認識而正在考試的人

當為勉勵勉勵一下~

或者同樣會令你地回憶唔少~

後天正式返工，

緊張異常，

總覺自己可能會應付不來似的.....

不管怎樣，

加油啊dick!