儘管琴晚全力溫國際貿易同國際金融果兩課，

今日lo sir出左，

但都係唔識=.=

而個體經濟學果份卷，

更不用說，

因為呢幾個星期好難得抽到時間都係溫總體果d課題，

所以個體果d仲一落千丈，

直情無眼睇=~=

依家只可以咁安樂自己:

呢份pre mock黎者，仲有mock果份都未黎，要晌果次度爭返d分返黎!!!

今次世史測資料分析題又係咁，

衰寫得慢，

搞到最後果題12分成題無做=.=

無做果題仲要易拎分d添...

今次想有3字頭都難...

下個星期仲有兩次呢類，

唯有要虐待miss ho對眼，

要將d字寫得潦d，

希望佢會睇得明....

痛不欲生

究竟是我的胸襟不夠廣闊去接納他人，

還是上天故意讓我我要再次承受這種傷害???

這種傷痛，

滋味實在不是好受...

儘管以往我已多次受過同樣的傷害，

看似應已習慣了這種感覺，

但這並不等於我不會再感到痛楚，

只是我已習慣了再次讓時間把這傷痛如抽絲般帶走...

真希望這一切都不會是真的，

告訴我所知的都是假象吧!

今朝一掀起張被，

全身立刻席捲着寒氣，

簡直係凍到入心入骨，

直至換完校服後個身先暖返d...

但我個頭就一直凍到返到去課室先開始暖少少

尤其係一出門口向北行到巴士站果段路，

d風係咁打落我個頭度，

諗返起果時簡直係虐待緊我個頭= =

只好怪自己生得頭髮少，

又無冷帽，

未來兩日個頭都要頂住先

就好似今日miss ho果句咁''鬼叫你窮呀撐住上!!''

據天氣報告資料所示，

未來兩日都會咁凍

所以請各位準備多d衫for呢兩日嘅日朝早吧，

唔好冷襯啊-3-

今日又測世史，

範圍又係日本(1800-1868)的長題目，

今次係問'評估幕府的題目，

感覺上較上一次易，

但我都係寫得較短、較少=.=

所以唔駛諗住會有高分...

黎緊呢四日日日都有測驗，

走唔甩=.=

聽日測中化，

星期三測世史，

跟住星期四又測中化作文

星期五又測世史

星期日要返去測econ(呢科先係最恐怖=~=)

下個星期一連四日又有測驗(oh~my god!!!!)

睇黎咁我好快會死得，

都唔知過唔過到呢個星期...

 更不要說下個星期了~

終於比我搵到呢首歌，

呢首歌係我細細個時睇亞洲電視1996年某電視戲用左黎做嘅主題曲，

果時已覺得幾好聽，

但聽唔明入面d歌詞，

只係記得果句:''天邊的曙光，xx踏前去..''

到左今日跟住呢句歌詞終於比我搵到呢段片，

知道首歌叫咩名&邊個唱

唱呢首歌個人--萬芳已就黎50歲，

所以唔好指望會晌段片見到靚女(即使佢後生時我都唔覺佢靚...)

不過佢呢首歌算唱得唔錯，

而且勾起我細個時一d記憶，

算係值得聽一聽吧~