我愛的人，不是我的愛人 ..。
嘩李蔚婷你一事無成
學業 友情 親情 愛情 你無樣掂
學業
我想快手搞番掂 但有心無力
好彩有子瑋 多謝你二話不說咁就幫我呢樣幫我個樣
希望我真係可以搞得掂d野 希望我唔會考得咁差 我一定唔會令你失望！
友情
朋友呀朋友 我知道你地一直都當我係好朋友
但你地講既野我一句都搭唔上
你地有幾忙有幾辛苦 我唔明白！ 因為我仲係好得閒 我仲係做緊上年既野 ......
我好想番番去上年 我好想番番去日日放學去玩日日一齊食飯既時候...
親情
今年 比起前幾年 其實已經好左好多
有講有笑 笑多過鬧交 已經好好
我終於學做番個孝順女 我想孝順父母親多d 我知道其實佢地仲係好關心我的 .....
早幾日做冬 婆婆拉住我 「其實我好錫你架 ...得你一粒孫女....」
我先知原來我係咁重要.. 我一定會孝順妳架婆婆... 我一定會讀好d書 唔會令妳對我失望
同麻麻做冬個時 見到妳拎住枴杖行路..突然發現原來妳已經老左咁多
我原來好怕妳會離開我.... 麻麻妳一直對我好 一直對我寄予厚望 一直無微不至咁關心我
但我原來一直辜負緊妳 一直令你失望 .... 對唔住....
愛情
呀謙又要番英國了 番黎一陣又走 ......
你叫我出黎見下你 怪我點解今年唔去christmas ball ...
我唔敢見你 我唔敢面對你 我唔知我應該點同你傾計
你係英國 打左好多次電話比我 我每次都支支吾吾咁又傾完一次 一次又一次。
都一年了 仲係放唔低
我唔想再睇住08年既相 抱住08年既日記 諗番起08年christmas ball既情境...
同你一齊個陣 去過既地方 做過既野 我唔敢去番 我唔敢做番
自問無能力再承受多一次傷害 已經無多餘時間比我傷心 唔可以再自甘墮落！
我真係好掛住你 ....希望你生活得好d 希望你同queenie開開心心.....
從來盡力避免傷害人 到最終原來傷害晒所有人 。
1217 預祝tony生日會 1222 陪kalok買衫記
1223 christmas service 之 sing con final 之 同衛朗baby坐 之 睇show記
0412 靚女曲髮女郎+曲髮女郎wy出街 1223.08 christmas ball 謙 ..。
1223.09 放學同ki, kalok出尖咀拎一早訂左既土耳其軟糖 55蚊細盒8粒 我同kalok呢隻95蚊16粒:-D 特價左XD 唔特價要119的。
PS 佢係魔衣櫥入面個個女巫要黎迷惑三弟個隻糖黎 !! www.media.org.hk/TurkishDelight/v2/ <係呢度訂的(又貴左!!
今期飲食男女有介紹:-p:-p
28.12.09 4:53 am.
好好珍惜呢個時間 清晨時份打blog 無憂無慮。
ps 方力申係七年入面把聲一字一字咁將我KO-ed.
陳小春把聲好難聽 但d歌好適合我對號入座 .../_\
我愛的人 不是我的愛人 ...。
