昨天有一件事也令我蠻傷心的...

放學之後返來........

過左一陣爸媽開始扔掉D唔要o既衫...

靈機一觸...我醒起小學o既校服...

可惜當時不知為何只緊張D體育服...唔記得校服...

點知係佢地扔掉晒o既時候...我先醒起校服....

結果這套小學曾多次穿著o既校服...

就咁消失左....只剩下一套體育服....

好後悔...好傷心...好難過...

校服也可助我回憶起些快樂o既回憶....

但現在竟然................................

雖然想喊...但卻喊唔出..........................

不過唔緊要啦...........仲有體育服嘛............

今日就係假期o既最後一日啦...

今日比平時早左...

8:30就起左身...

但係明知係最後一日...

聽日又要返去受苦啦...

當然有D擔心啦...

真係想自由D,少D野做呀！！！

但都知係冇可能架啦...

呢間學校又點會少野做呀....

今日為左笛子班,要去買野...

同媽咪去左新都城...

差唔多三點幾就走左...

返到屋企又做返朝頭早未做晒o既EnglishBuilder...

真係好累呀...仲做到有D頭暈添呀...

唉.......................................

今日唔知點解一起身就覺得好唔舒服咁...

唔知係咪病左呢.....有時仲冇乜精神....仲頭暈添呀....

唔知聽朝仲有冇事呢?返唔返到學呢?

其實都有D想返去見下D同學o既...

唉............................................

希望係宣中會過得比之前開心D啦...

祈求神賜褔給我啦................

不好意思,昨天晚了回來,所以冇打日誌喔...

我昨天雖仍未完成所有功課...

但也不乖地走左去行街喔...

我期待的一日終於來臨啦...

我一直都期待可跟她見面的...

只因我們太耐冇見啦...

升左中學之後...

之前放既長假期都好多功課...

只因今次算是比之前少了...

我地先可以出來見面咋...

我地尋日一開始就去左麥記食晏...

之後出發去地鐵站...(本身諗住影貼紙相,但後來又唔想影囉)

跟住一齊搭地鐵去左籃田...(途中梗係會傾私人野啦)

我地去到籃田之後行左一陣街...

但後來因為全日一出來就一路都係度行...冇乜停過...

所以隻腳又累又痛....

所以到左差唔到四點幾就開始回程啦...

當我地分手之後我返到屋企...

見到爸爸、媽咪同哥哥都乖乖的坐係度睇碟....

之後我沖完涼就出來一齊睇....

但果陣已經差唔多做完...

跟住到夜晚果陣我地就一齊落街食飯...都幾開心架!!

唔知點解好鍾意成家人一齊去街果種感覺...呵呵

之後又好似平時咁...

佢地都沖晒涼...爸爸一定會係最早訓果個...

跟住得返我地睇完電視就一齊訓啦...

咁又過左一日lu.........

今日一起身就掛住要做晒D功課佢...

之後一點幾先開始做...

做到兩點半...

又要落去練琴......(今次比尋日熟左,所以彈得好左...嘻嘻)

跟住差唔多4:00先返到屋企...

之後做左一陣功課之後又夠鐘食飯...

8:30果陣返左房玩電腦...

發現左飛輪海有幾首歌都幾好聽...(聽左一陣)

雖然幾鍾意聽,但一定唔會沉迷買有關佢地D野..(一向都唔會鍾意邊個就買佢D野架啦!!)

跟住聽完歌冇乜心情計數,所以之後就冇做功課...

雖然淨返唔係好多...但始終諗住今日做晒架嘛...

有D失望添......

今日好晏先起身呀...(爸媽返晒工,哥哥都返埋學啦!!)

其實今日都冇乜野做(除左功課)

下午就落左去練琴...

幾日冇練啦...(彈得不錯喔)...呵呵

未做的功課量已逐漸減少...

看來必可在今天與明天之內完成...

都幾開心架...

因為唔會再好似之前咁拖到最尾果日...

先做晒功課呀嘛...

希望做晒功課之後果D日子有得出下街啦...

咁難得嘛...