今日朝起身,一路等到1點,

去左火車站等啊張住∼∼

跟住我就同張住,羅卓去左m記食嘢....

再跟住就去左超市買嘢∼∼

係個到俾我哋撞到可喬同小丸子...哈...佢哋咁都知我哋係到...

跟住我哋就落去搵志明佢哋....

搵到佢哋之後,就齊齊去左張住屋企∼∼

擺底d嘢之後,就去左會所玩.....

就係咁喇...講真,估唔到離開左教會咁耐,我仍然可以感受到當日我家一齊玩既感覺...真係難得∼∼    

(註:離開教會唔係代表我唔返教會,只係我轉左教會咁解姐~)

丨丨丨留言呀丨丨丨

上個禮拜星五,一早起身,

食完d嘢....等到1點,

去左教會等車嚟∼∼

去到我竟然見到王錦根- -....我係到諗~好似佢咁既人會參加呢啲camp既咩= =??~...

點都好喇....到左西貢咩咩之後,

聽完個講員up灑d跠之後,就去左房間∼∼

世事真係奇妙....我竟然同王錦根同一間房= ="....仲有房個個導師真係幾搞嘢下....

跟住就去左玩遊戲....

係個到分左個組....幾滿意...入面有個女仔幾靚下...

個到d遊戲都ok得意下....

跟住就食晚飯∼∼

跟住休息左陣,就玩左個野外定向....幾癲下= ="....

我哋成組首先搵左第一張卡,張嘢寫要二人三足去上燒烤場= ="...

個到繩都冇條...點呢= =??...跟住個導師話~因為供應唔切,所以....要咩人上去~...= ="....

點都好喇...因為玩遊戲,我連續咩再兩次人= ="....haha...勁呢???    (註:係男仔喎...組導師話唔俾男咩女- -....)

跟住完左後,講d分享,

沖涼~....跟住玩通宵...哈哈...正呀.....

第二日,食左d早餐,靈修,詩歌敬拜之後,

就俾我哋自由時間....正呀....

不過,當我同啲fd踢踢下波個陣....整親隻腳...勁痛...但係好快又冇嘢...haha

跟住最尾個半個鍾同呀東打左陣網球....yeah∼∼

食完午飯之後,就玩左個歷奇遊戲,

雖然入面d遊戲冇咩咁特別,但俾我好大好大既得著....好老土呢= =??....

跟住又有個自我認識,幾好...俾我了解自己更多.....

食完個晚飯之後,有個崇拜....之後又有個camp fire....好癲...成炸人係到跳傻仔舞= ="....

跟住沖個涼...玩通宵....yeah....

第三日,朝早冇咩特別.....

跟住就睇番之影片,相...然後每個人分享一下....

就係咁喇.....

講真呀,我返左呢個camp,

我真係學左好多嘢,至少我都已經開始明白事理喇...

呢個camp令我知道團體係好緊要架,你入得係呢個組,就要投入去玩,

唔好氣餒,唔得就再試過,試都得為止...

最好多d人出嚟帶頭,俾多d意見,咁就好好喇...

其實我又點會肯咩兩次呀...不過見組入面有個女仔(唔係靚個個)咁勁肯咩人,我先咩炸= ="...

所以d人成日都話女人真係唔可以睇小......

丨丨丨留言呀丨丨丨

我擺左d相,得閒睇下啦...

 上個禮拜六六點幾,啊媽叫醒左我,

跟住就同埋其他家人去左食早餐∼∼

去到大陸,就跟住個鴨仔團去左食lunch...

係車到,個個導遊冇啦啦話book唔到位...轉地點,

我係到諗~應該都冇嘢既...食餐飯姐~

點知原來唔係- -....去到,

雖然食既方法係好得意(個到係有個模型火車,拉住d餸,跟住擺一個細煱係你面前,然後自己挾d嘢食落去,熟左,食= ="...同打邊爐差唔多,只係+左個火車= ="),但係d嘢食可以話全部係假既= ="...得d菜唔係....

講真,我真係第一次將成炸A貨擺入口= ="....其實如果唔係book唔到位,我哋係食左海鮮宴架喇= ="...

食完,就係長龍玩喇~

去到,原來又唔係想像咁好- -

要搞成半個鍾再多d時間先搞得掂.....救命....

跟住睇睇錶,2點幾...死喇....排一條個d總之好玩既排,要等成一個鐘頭到....而我哋又要7點要去沖涼= ="

so...我哋簡左d唔洗點排隊既嘢玩...都游得開心...

不過個日就引起呢個鴨仔團既不滿= ="

夜晚,食左個杯麵,訓教zzzz

第二朝,個早餐都ok- -

食完,去左兩個境點....都係關於佛教既建築物- -...冇咩好講...

跟住就去左食lunch~

今次呢個lunch就好d,有飯食....

食完,去睇花花世界...正...不過好曬=3=...

跟住係個到睇埋個show,個個show d 演員全部都係女仔...有好多都靚靚地!!!

我而家先知道,原來係中國內陸都會有靚女架....

跟住就返深圳~

最後個一夜聽日先打.....