話說今日派中文卷
一看....

(oh my god!!)
一貫中文無敵的我,中文無敵的我,無敵的我!!!

竟然得了個60分!!!(吼吼吼吼吼)
我要失控啦!!!
成個頓時腦子一片空白
 

然後..我看見了一個流星在眼前閃過
眨眨眼
回神過來後,發現剛剛的是.....
(化物語中的 羽川  翼((俗稱:「乳」川 翼)
的「羽」(噢....)
琴日睇左化物語13集
等得好苦,苦得好苦,好苦得好苦
等左成個月,先至有得睇
啊.....

順帶一提,戰場原大人仍然是配角,說了不夠10句就沒了(吼吼)
話說....我看太多吐糟了,慢慢地被「吐糟」侵蝕....性格變得吐糟,吐糟,吐糟!.!

今日係學校睇「人妖打排球」
cc同bkkss各嬴一局
最後果場我無睇到,同左毛毛走
相信cc嬴了吧

(話說琴晚一打左個「-_,-」後,馬上把某人變得瘋狂」

話說今日派左3份UT卷
我亦都唔介意同大家分享下我D分(又唔係唔見得光,怕啥?)
通識:4X
英文:46.5
地理:61(滿分70)

見到自己第一次考地理就咁高分時

當然極之開心
但同時亦都盡量控制自己
免得比人話我自大,懶勁~.~
雖然係咁
但係英文卷唔合格
話說要重考
不過係睇哂你上英文堂咁多堂既表現,功課等黎拉平個平均分
低過50先要
我當然放心
英文堂D問題我答得就答(其實事前唔知係睇平均分,覺得淨係睇卷)
算啦,英文唔合格
閒事一件(CLOSE)

話說通識有D都好唔抵
不過都唔在此多講
 

今日心情仍然大好!!!!

星期一:

話說琴日去左飲,所以無時間上黎打blog
(讓大家等,抱歉了)
果日去飲係我呀媽公司一位正餅師傅
佢正果d cheese cake我食
ok架

「話說個新娘......有點.....咳」
果日其實無咩開唔開心
因為有音樂相伴(我應該提過我歌不離身,縱使日夜,縱使陰晴,縱使番學,放學,縱使天晴下雨)「你夠了未!!」

果日老母死都逼我著d7 3 (好樣7既3)
黑口黑面的出門口
黑口黑面的到左現場

笑笑口的食野(音樂...你太神了)
到左最後有甜品食,出奇不意地,雜果tart竟比朱古力moose好食(無誤

今日:
今日終於UT完畢啦,萬歲萬歲可喜可賀萬眾同歡<-----關事!?

今日既數學同埋歷史
講真
得數學幾題有難度(你有邊日唔係咁講)
歷史更係唔洗講

話說竟然唔測年份同埋人胼化石既出現地
真係多謝哂(話說無背到)
 

今日自己一個番屋企
然後例行事情後

發現左個道理:「聽鋼鍊FA既歌  確係道理多多」

第二日
(通識)
今日考通識同地理
然後一早就送一個SUPERSISE比1D班(Oh my God)
「這不是一個supersise,只是一個驚」
唐副校同我地測通識
「oh!supersise!!」
唔係下化
唔好玩我呀哥哥=.=
我真係驚驚地,仲嚇親幾秒(我不能承認我是一個極度冷靜既人,thanks)
然後,的左幾個人出去「問話」(oh no)
問完之後,oh....可能的L哥!!
被副校的左出去公開咁問左幾條,「勁行」既問題
比方說:「咩名」「咩學校黎」
然後L哥很無言的回答
一陣哄動後,他給我們COOL DOWN了
然後就同我「奇討」(w0w,我的拼音真強)
有一刻個心真係靜落黎(呃??)
然後真係要測啦

好可惜,一向天生聰明不屈不撓身手敏捷的我!!
這卷完全不是問題嘛
(通識 完)

(地理)

oh no...
唔好提..實在太失敗= =
我一向引以為傲既記憶力,
在這一刻
失去了機能了
有一刻腦子一片空白
一股聲音從我心中亮起......

「你以為你是誰!!!」(頡取自 天元突破 紅蓮之眼)
我馬上用光速的度把它完成
那一刻,我快得像風,不,是比風更快
我突破臨界點了
我成為了光速!!
 

oh yeah(頡取自光速21)
(地理 完)
 

老實講
今日不斷搞gag,只係想將自己內心既傷痛擋住
 

雖然我明白1d都唔gag
然後,請對我對「唐副校記事」的用詞不當作出抱歉
我太囧了

今日UT既第一日
中文&科學
兩樣我強項,當然完全唔擔心
中文開頭都幾順
但係到左課文
開始卡住卡住
首先係「給頭腦的四種飲食」完全對題目理解不能
唯有對自己既記憶給予信心
於是嘔左幾句垃圾出黎就飛左
然後就到「楊修之死－夢中殺人事件」
完全無難度

然後就到古詩
亦都係十分之順,只係比「王孫遊」個作者考起
然後又到成語
一向博學多才既我(呃??)
竟然比四個成語考起!!??
諗番真係勁唔倨
不過算,「過去既事就係過左去既事」
(中文完)

然後就到科學
我見到份卷我真係想喊
真係我讀書史上最易最易(下刪約一萬次)既一份卷
我真係一路做一路係到笑
「有乜可能咁易」 「咁既題目都得??」
不過都係唔好太自大,一陣跌落谷底就笑死
(雖然己經試過)
雖然最尾有d位真係比佢考起
但係都順利通過
(科學完)

總結:今日大致上都唔錯,兩份卷都以突破極限既速度完成
中文:30分鐘 ko
科學:16分鐘 ko
夾埋有成粒鐘比我係到呆
(UT 完)

今日其實一直心情都係OOKK
同平時差唔多,無咩點
同1C班某兩位女生走去食M記
兩位女生都食雪糕
我乜都無食(無胃口)
搞到個氣氛好似好怪咁(其實從行出學校果刻起己經好怪)

然後番學校路中,見到N多熟人
(搞到要兜路行,廢事班大喇叭周街唱)
佢兩個番到學校我自己番屋企
一如既往的例行程序:開門>>電腦>>冷氣>>換3
跟住訓落床訓陣
點知一直都訓唔到,心情仲愈黎愈差
但係又講唔出點解,只係覺得個人好DOWN
直到,我睇完學生會之後
一個爆笑......
成個人冇事
 

聽日就係UT
突然之間好驚
好驚聽日狀態唔好,雖然第一日都係我兩樣強項
但係對我黎講,狀態代表一切,萬一一時唔記得哂D野
好似今日中文默詩咁
咁咪好大鑊
我對自己發過誓,今次UT點都要至少全部合格(其實好易=.=)
但係「唔怕一萬 只怕萬一」
真係失手既
到時真係死都補唔番

唯有今晚死眯中文同科學
早D訓
聽朝食個令早餐
令自己達到100%狀態
 

考好個UT

唉
基督書院既電腦真係夠哂「先進」
「msn9.0事件」過左至少1個月
但係仍舊係8.0(簡單黎講姐係入唔到msn)

搞到原本諗住上msn同班兄弟吹吹水到做唔到
立時成個勁火
然後就周圍撩事鬥非,諗住跑/打走哂d怒火佢

可能我份人真係易笑易喊易怒易發癩
跑左無耐,開左兩場片,就無哂事(本人較爛仔,見諒)

好啦,怒火燒完,咁跟住某老師走黎搵某某某
原來條死仔send左d「疑似性交既影片佢某老師,仲係用搞笑既形式」
第一次見某老師咁認真,跟住就係咁吹水

又話我地班有邊幾個係淫魔之類等等
跟住又有人話「1D仲衰過1B」(呃..)

然後某老師就有事走左先
某某某事件完)

然後班長仔就走黎講鬼故(其實佢一直係到)

講緊長髮女鬼(港大)
仲有下半部,不過佢話好恐怖,唔再講
其實果時都成5點9
所以都驚驚地,個天又黑哂,個班房又得幾丁友
其實都驚驚地,所以講完都叫佢地等埋我(其實我好驚鬼,雖然無之前咁驚)

跟住同左班長仔行

番到屋企
己經勁攰,跟住今日體育堂後起己經唔多舒服,周身骨痛,唔想郁
懷疑自己可能燒燒地,於是同隔離果個分左條界
跟住兩隻腳又勁痛(正式既周身骨痛)
好彩聽住歌,唔係真係訓低係條街到點算..
番到屋企

乜都唔理
飲左一大枝大冰水(勁冰)
成個爽哂
然後就死去0n msn
(然後就打blog)


每日既生活,不斷咁重複重複
其他既事件外,每日既生活都幾乎係咁過
都離唔開聽歌,睇電視等等
而我更加不知不覺同音樂分唔開
幾乎聽小陣歌都唔舒服

然而,每日既生活都係咁樣過
開始有小小悶,真係希望有一日無啦啦有個異開間彈出黎
吸左我入去
再唔係
有一日發現原來自己有一個神秘力量

日子一日一日咁過
我開始發現,呢d事係唔會發生
但係,內心仍然有一絲希望可以發生呢d事

其實個blog 都開左至少一個禮拜
不過因為私人原因
所以今日先打到
往後日子,會係學校打
所以6點後先黎睇包無走雞(唔記得打就例外,我d少年痴呆一日一日惡化)

-----------------------------------------------------------------------------車出黎既分隔線-----------------------------------------------------------------------------

今日,我一如以往
一起身,打機,聽歌
我仍然覺得,UT甚麼的不是甚麼一回事
反正溫唔溫書都係大約果個成績
然後
我發現左
任何事,特別係好重要既事
你唔去做,將來你一定會後悔

然後終於死下死下咁搵左英文同埋科學黎望兩望
雖然話係「望兩望」
但係一路聽歌(我係歌不離身果種人,姐係聽死陣音樂都死果隻((番學例外)))一路溫
都溫左粒幾鐘

然後,例行既電話,家姐叫我今晚背古詩詞(.......下?)
嗯,算啦,佢番到黎避開佢咪得,然後自動拎本中文書望兩望
咁就可以無事

但係根據我過往既經驗
我既成績,的確比小五前差左
特別中文,特別跌得多
我之前唔溫都至少9字頭,E家?你想有8字都幾難

我一直都認為中文係唔洗溫,就算溫都唔會好大落差
但係上到中學
我決定將呢個觀念打破

一次既中文小測令我清楚
「你再唔溫書  我包你死硬」

只好,乖乖地,眯書....