十分多謝各位網友, 朋友對我的關心呢!

我冇咩事的了! 不過也很多謝各位的關心和指點!

或許, 我可能真系冇咩勇氣吧! 不過我也會加油的!

=========================================

今日, 星期三, 久違了的assembly啊! 今日終於有啦!

可惜你就是我開火的對象! 今日的早會唔知點解總是好不滿!

可能又系培記請班人上去吹水啦! 模範生喎! 唔好食飯啦你!

宜家好勁呀?! 懶勁, 點讀書洗你教, 試問又有邊個唔知啊!

MATHS: 玩夠未啊堅sir! 無啦啦比番ch.10的WS我做, 鬼記得咩!

LS: 你又系啊! 保齡球老師, 你果份測驗又系不知所謂啊!

得果2日時間, 點背伙錦多資料啊! 成6~7頁紙! 仲要全部都系point!

仲要份卷錦鬼難! 鬼識做咩! 有3分已經算好啦!

ENG-E: 冇太多心機聽書啊!

CHIN-E: 攞左魔頭本書當自己用! 因為冇帶! = ="

我突然覺得自己好邪惡!

LUNCH: 去左食車子面!

CHEM: 試玩儀器! = ="

雖然低能左少少, 不過我都要照玩!

放學做左陣數就走了!

近排, 始終覺得唔系幾開心, 可能病左啦?!

又扭傷左膝,又喉嚨痛, 又鼻敏感番發, 總之周身病痛,

成日都好累! 希望快d好番啦! >.<

就黎放棄左佢成個月了, 但系, 仲系唔能夠完全忘記她啊!

愛一個人系好易的事, 但系放低一段感情, 卻很難! >_<

呢三個星期, 仲系會959諗起佢! 點解會錦ga! T_T

有時, 我真系想寧願少錦d我比人多的東西, 來換取我缺乏的野!

例如:友情, 愛情, 學業 等等.........         呢d野我真系好缺乏!

友情:我有的朋友唔多亦唔算太少, 但系大多數的, 都系得果一兩句講下!  但好朋友就好少! 

我缺少好朋友的原因: 可能系我住得遠啦! 番學放學冇人陪,

就算有人陪, 都陪唔到一半路程! 唉,點解我系住將軍澳ga! T_T

之於可以比我傾心事,訴苦的朋友, 真系少到幾乎零囉!

到底我系唔系禁黑人憎啊! 點解好似冇人會想同我做朋友錦ga?! 嗚咽~

學業: 病 + 唔夠訓 + 課程沉悶 = 成績唔好!?

唉! 上到中四, 好似成績愈來愈差囉!

考試總平均分同中三比較起來, 唔見左十幾分囉!

成日話溫書, 但系就成日好累,冇溫! 到底我想點啊!

愛情: 呢樣野... 唔怕同大家講, 我一次都未試過! >_<

我未怕過拖, 未比人愛過, 未同人表白過! 淨系暗戀過3個人!

唉! 點解呢個世界禁唔公平ga! 有人成日有拖拍, 有人愛 ;

反倒我, 冇人愛, 冇拍過拖! 冇拖拍都唔緊要嘞!

試問我又有幾多個女性朋友?! 又有幾多個同我有計傾?! 十隻手指都數得晒啦!

唉! 可想言之, 我呢個人系幾錦冇桃花! T_T 到底我去到幾時先會有人愛啊?!

我的快樂時光啊! 到底去左邊啊! 同我番黎啊!

唉! 又病左啦! 今日朝早起身流鼻水+喉嚨痛! 好唔舒服! ><

早餐都冇胃口食, 幾乎日日都系!

不過都照樣去番學, 行上去,好累,早知搭車啦!

番到去, 勁潮濕, 張桌系感覺有水過囉!

勁想好好訓下, 但系有功課未做, 所以冇得訓! 嗚咽~ T_T

HOME ROOM TIME 完全系度發夢!

中化堂: 好悶好唔想上, 我頂唔順呢科啦! 悶到我想死!

上完堂都唔知+唔覺學左野! 我好想drop左呢科啊!

L,S, : 呢兩堂講改革開放, 好多筆記要我地抄! 原因系:

校方唔買書上現代中國呢個單元! >.<

化學堂: 又做實驗啦! 實驗真系好好玩,

起碼唔會好似bio錦上堂悶到訓覺!

今日個實驗做提取硫酸銅II , 最後過濾出黎的藍色晶體真系好靚!

仲有CuSO4的藍色水溶液的藍色好好睇!

LUNCH: 今日終於唔食飯了! 同小桂子去左買車仔面!

18蚊3送, 都算唔錯啦! 好過成日食2送飯!

之後又話練歌, 但系最後cancel左! good! ^^

見冇野做就去左科學週的展覽!

同黃狗,胸圍, 便便等人去左玩果個刺不破的氣球!

事實證明系得ga! 不過最後都系會漏氣!

之後又見到一大班中一妹妹跟住billy!

billy仔近排好有桃花啵!

之後上maths堂: 2堂系錦計數!

放學就即刻去睇醫生! 比左d傷風感冒藥我!

都系早d休息了! 

今日, 今年第3個孤單的情人節! = ="

不過我對情人節呢樣野, 已經唔多理會了!

原因就系, 我已經冇人值得我去付出愛了!

今日總算好好的休息了一天!  昨天的戰役, 真系死唔少我d細胞!

訓左12個鐘, 總算回復了不少的精神!

之後去左飲茶, 下午又系度hea! 玩下電腦,上下facebook錦啦!

晚上找培記的時候, 意外找到billy個blog!

都話左佢溝中一妹妹ga la! 仲睇埋啊嫂個blog添!

今日冇咩講! 還是早點休息吧!

大家的白色情人節唔知又過成點呢?!

今日, 史上最比人厄時間的一日! 12個鐘頭比我間好學校厄左+晒左!

0540, 2010年最早起身的一日! 我系超級唔想起身囉!

起身去做奴隸, 加上我只系訓左5個鐘左右榨! >< 好眼訓啊!

之後沖左過涼, 汁左d野, 換套3之後就出門口啦!

搭MTR, 好少車啊! 等左好耐先開車! 因為太早啦! 063X喎!

去到彩虹, 去左無問題便利店買早餐! sandwiches + milk!

之後一路行一路食! 竟然比我食晒! ^^

好準時番到去, 結果等左勁耐! >< 因為死人鄭太后遲到! 好離譜囉!

我果次遲就XYZ我! 錦我系唔系應該XYZ番佢呢?!

之後太后又講左一大堆廢話, 仲要講足成個鐘囉!

你啊爺啊! 講廢話而要我忘記那份餘溫! 太過份啦! ><

加上, 我太眼訓啦! 所以我一向都聽唔入耳! 咔咔! ^^

你同我玩, 我先系幕後玩家啊!

之後上左603準備, 悶到抽筋啊! 睇住班小6的真系好無聊囉!

又唔可以玩喎, 講野大聲d又唔得喎! 冇晒自由, 慘過坐牢! T_T

E夫人仲要見得超慢喎, 607(music room)又勁遠喎!

勁唔想做囉! 晒時間! 同蟑螂浩,鈴姐同余雞雞又唔系好熟, 冇咩共同話題!

芒果又成日上黎做勢, 但系d人唔多show佢囉! = ="

但系我地就笑爆了! ^^ 仲有久唔久就同d老師爹2句!

之後見左2轉人, 我就去HE ROOM 食飯!

好過份啊! 唔比我出去食! 系要人食你呢d油到死的燒味飯! ><

仲要冇得揀送囉! 鄭太后仲話一餐半餐冇咩野!

但系對我黎講! 食系最緊要的! 好食同難食我的要求是高呢! ><

明嬸同歐陽錦梅留左黎啵! 好久沒見了!

之後1300左右又開波了! 我原本唔洗開ga!

一日都系鈴姐的錯, 有事唔得閒, 搞到我要代佢! 嗚~~ T_T

李膠豪就見得快d啦! 唔錯! 到左後期, 我就系錦吞泊!

系錦不停行! 行足全校!

053X終於走得啦! 之後番屋企訓左陣! 天都黑啦! 好累呢!

經此一役, 我明白點解我d師兄師姐都話做pf 唔好了! >< 

希望唔好再有下次, 否則我將培記移為平地!

so tired and anger today!! Today is a black Saturday!! T_T

三月十二日, 星期五, 微雨

是日系魔頭的生日, 魔頭生日快樂啊! ^^

朝早番到培記, 勁多野未做!

一份有9頁的work sheet +2頁的work bk!

結果都比我做晒! ^^

L.S.:保齡球勁多野教喎! 得一個鐘頭!

竟然佢d資料有3頁紙,但系居然教得果半張紙囉! = ="

不過總算上左一堂有趣的中史堂! ^^

BIO:做實驗,做足成堂,

不過唯一唔滿意的系有人淨系掛住玩就唔做野囉!

唔比佢玩就發脾氣, 叫人洗野又唔洗!

果個系邊個自己心知肚明啦!

P.E.:老向好心咪害我啦! 傷左腳都未好番晒點跑啊! ><

ENG: dictation, oh my god! 差d唔識!

lunch: 1345要我地集合! 去化學廢料處理廠參觀!

miss lau帶隊喎! 仲有祝埋miss你生日快樂! ^^

之後搭車轉個圈之後, 又見到培記!

根住chem wong唔知做咩走出黎同我地揮一揮手,之後走番入去! = ="

之後有人話我地今日系唔系去左動物園睇野獸! ^^

根住范賤話:黃sir做咩變左動物園隻猩猩! = =" ^^

搭左20幾分鐘車, 終於去到了!

但系結果比我地預料的大為失望! T_T

完全冇野睇囉! 因為落雨, 所以冇得睇outdoor! T_T

首先有d介紹同睇片! 都幾悶下! 不過都系好短下啫!

因為要寫校本評核報告, 所以我有抄notes嫁!

之後參觀d lab, 都冇咩野睇! 又唔比映相喎! 不過有好詳細的解說!

之後去睇廠房model, 解釋左d建築物等等...

之後映相, 得呢度映得乍! >< 最後有問題時間同休息時間!

總體是次參觀的評分系55分! 因為睇完真系好似冇睇過錦!

但系d資料都可以夠寫report ge!

唉! 好唔想聽日要我番去幫手囉!><

朝7晚6! 離譜到極囉! 簡直系剝削學生假期囉! ><

總之我唔想開, 仲要朕5點起身, 慳d啦! 反培情緒高漲! ><

今日總算好番d啦! 不過朝早仲有極輕微的頭痛!

我刀唔明點解? 我地中四得10科, 星期四得8堂,

但系就有7科的堂, 6科主修的就已經有5科了! = ="

加上我地學校冇locker比form 4 , 結果搞到我個書包勁重!

今日竟然地鐵+巴士都仲要好早添! ^^

番到去都系0726! 之後又要開崗呢! 班中一仔真系好好玩!

嚇下佢地話都禁容易! 鬼叩我之前系專管高form的嗎?! = ="

RE堂, 冇聽書, hea左成堂!

BIO: 又系成熟版魔頭上堂呢! 悶到想死!

仲要我地聽日帶生果番去做實驗囉! 咩事啊!

緊系你預備比朕做的啊! 你個奴才啊!

CHIN: 又系唔聽書!

ENG: 同上面一樣!

2nd recess: billy大個仔囉喎! 溝中一小妹妹! 咔咔!

幾時介紹件好的來啊?! 不過我系唔會中意中一小妹妹囉!

ENG-E: 呢堂總算專心d啦! 不過都系唔記得講左d咩?! = ="

LUNCH:又見倒billy溝女了! ^^

今日仲要唔知咩事, 2+3樓, 8班有7班系倒練歌囉!

咩事啊! 系要迫我吞泊過喎!

MATHS: 呢堂就今日的精華啦!

魔頭比袁+華攞左8達X卡! 仲要攞左本書頂起佢,

話咩系神位! 笑都我地周圍d 人想死! ^^

之後張建龍去完社籃番黎! 根住袁+華就話快d拜下個神位先啦!^^

佢之後O左, 仲拆埋個神主牌, 當然佢比人罵啦!

之後袁+華又張張卡放左系黑板頂! 結果: 大半班人一齊笑左! ^^

有人仲做埋拜神的動作! = =" ^^

點之比堅sir發現左,搵野擲左佢落黎! = ="

啊sir做咩禁掃我地興啊!

之後去上chem, 點知教comb-bio的成熟版魔頭,

我地修chem的都未走就入黎,

之後袁+華又攞住張卡同佢講, 話:啊sir,我汁度張卡好似你個樣喎!

果一刻,我笑左! chem堂派測驗卷,

chem wong話得3個人合格! = ="  而我當然系....

合格的啊! 咔咔! 另外2個系小寒子同女班長.

原來我又系錯埋晒d大意野! 碳酸氫鈉(NaHCO3)我竟然寫左(NaHCO2)囉!

結果就系錦,我同小寒子又試唔夠女班長高分 T_T

最後,祝彥爺生日快樂!

好凍啊! 凍到人都顛! 成個人都慢幾拍! ><

今日唔知做咩? 一番到學校就開始頭痛! 仲有唔知點解勁眼訓!

今日又冇assembly啦! 結果系練歌! 又改左首歌啦!

數學堂:好煩啊! 我唔想再計數啦!

LS: 講改革開放!

ENG-E: 頭痛+勁眼訓, 搞到好辛苦! ><

CHI-E:如上

LUNCH:冇胃口食飯,之後訓左陣! 仲系頭痛呢!

CHEM:做實驗! 好累啊!

之後番屋企食藥,之後訓左2個鐘! 終於冇頭痛了!

我諗我可能系凍親!

大家也要保重身體啊!

今日, 帶著受傷的左腳上學!

即使系行7~8分鐘的路程! 我都寧願用$4.4搭3D去培記!

琴日睇醫生睇到差唔多10點!

結果要今日番黎先做附加數份功課! 仲要好難做! ><

之後去上中文堂, 又到我地要坐邊疆地區了! T_T

加上琴晚隻腳痛到訓得唔好同d書太悶啦!

所以又系倒畫公仔同地圖! 今日好掂啊! 一堂多就畫好了! ^^

之後英文堂, 我終於頂唔順啦! 勁想訓,

但系比李麗英呢隻催命鬼哦我地! 想訓都冇得訓啊! 好陰公啊! T_T

BIO堂: 呢次死得囉, 之前的睡意有增無減! 訓左一陣!

系錦講個胃d野! 呢堂真系好無謂! = ="

lunch:出去買飯, 勁凍! 唔知點解好似仲凍過朝早錦?!

如果有人煮飯送來比我就好了! 可惜我呀媽系唔會錦做ge! T_T

之後又要去開會,星期6要我番黎囉! 仲要有d組長唔洗出囉咩事!

head-p 你地點篇ga! 離晒大譜啊! 有咩理由小寒子同便便唔洗番ga!

而我同范賤,余雞雞,洪B同埋我某d組員(黃狗,東東)要開全日ga?!

maths堂: 又系計數, d正負號真系陰死我囉!

a-maths: 小明sir, 教禁急幹什麼?! 我都未明得徹!

放學, 立即回家休養! 宜家唔跑得, 好慘! T_T

願主給我的腳疾早日康復!

今日, 好黑仔! 好唔知我做錯d咩啊?! 點解會錦ga?! 嗚咽~

朝早都好地地ga! 唯一想講的系LS果份test!

成組人做一份! 竟然問咩系三反五反囉!

8個o岩得3個! = =" 唉失敗!

放學都唔知做咩錦黑, 行樓梯踏空!

結果扭傷左隻左腳膝蓋! 最初企都勁痛!

之後好d啦! 不過一o某低就勁痛囉! 好似骨折錦! T_T

行路都有d痛! 行樓梯/斜路就仲衰!

結果夜晚去左睇醫生! 等左成個半鐘啊! >_<

個醫生話我應該系整傷左膝蓋的軟組織!

2~3日應該冇事的了! 開左d止痛藥比我!

行路要成日就住, 好辛苦啊! >_<T_T

希望可以快d好番啦!