尋日14號，44聲唔吉利，所以今日先正式設定，
順帶1提買當日係黑色星期5，不過佢都揀果日出，
我又驚乜丫？反正打消左機過機o既念頭，
就當1張白紙新機咁看待，但都希望留得番d資料，
首先裝facebook，無乜問題登入後馬照跑舞照跳，
跟住就裝whatsapp，然後用番電話號碼登入，
佢會send幾個隨機數字短訊要你認證，
認證完就問你過唔過番d通話記錄(應該係？)
用icloud，又話如果衣家唔過，之後就無得再過，
咁我當然要啦，但佢又話無任何檔案，
然後直接入friend list果個介面，得番群組，
所有朋友唔見晒，而群組亦完全清空晒對話記錄，
無啦，公司果d稿全部洗白晒，第時追索番都難。

跟住就裝埋line，呢個相對比較少用，
尤其最近淡出RO後，又無埋個熱鬧公會，
又係好似whatsapp咁，用手機號碼登入，
再send短訊激活，入到去對話記錄全洗白。

我都試圖登入icloud睇下可唔可以入番d野落去，
佢居然要求安全提問，例如第1次睇o既電影，
第1次買o既唱片topic，哇，點記得呀？
咁我就係咁撞，兩個apple帳號都撞中兩個，
好o力架啦，總共3條題，每次問兩條，
但係佢之後就會係咁問你答唔出果條，
好啦，被迫放棄舊有記錄，apple你開心啦？

其實我用手機除左打電話外主要只係用幾樣野，
whatsapp、facebook、聽歌、影相/拍片，
facebook只係響街殺下時間，有電腦用電腦啦，
我又唔打手遊o既，雖然後悔買錯64Gb，
但係我咁低用量，其實都應該可以用幾年，
睇番iphone7，我係裝左7、8隻手遊，
但真正有玩o既得口袋動森，衣家都退埋坑，
其他RO手遊、fgo、orugaru等都無認真玩，
所以如果唔玩手遊64Gb其實都可以好come用。

以前會入歌落手機，呢次都無入啦，
聽kkbox算，雖然要keep住課金，
其實d歌加埋都只不過係4Gb又唔係好多，
好，又試下呢64Gb可以用到幾耐都唔full。

尋日check iphone7明明用左9XGb淨番3XGb，
今日check又變用左77Gb淨番50Gb喎，
雖然都係超出64Gb，但係仲未剷game，
剷埋d game又騰空多十幾Gb啦，夠用啦。

今日開始部iphone7就會做鬧鐘 XD
因為咁o岩我用開個鬧鐘上星期壞左。