之前睇過地海o既朋友都話呢套野唔好睇，睇過之後都覺得幾九唔答八。
一開始無端端就出現左條龍，之後無端端又話咩世界唔平衡，
跟住無端端個王子刺殺父王，然後個王子又無端端跟左個大叔浪跡天涯。
睇到呢度一頭霧水，諗住睇落去會慢慢交待一切啦。
王子係路上救左個女仔，個女仔又無端端好憎個王子，
之後又無端端出現左個巫婆，無端端呢個女仔又同個王子和好，
最後係行貨o既勇者鬥惡魔o既橋段，點知個女仔又無端端變左條龍。
想點呀大佬？f(=_=)套野其實想表達D乜架？
個王子又唔知點解要殺佢父王<--呢個劇情已經令人打交
又唔知點解要周圍走，一切都係出於「唔知」。
想話搵出世界唔平衡o既原因？咁關殺個巫婆咩事？
一開始果D橋段係咪多餘左D？其實果個係咪王子對個故事根本無影響。
個巫婆咁大o既堡壘得果幾個士兵，個女仔走入去完全無人阻攔。
估唔到宮崎俊系列都有咁無里頭o既作品...