前日先踩完黎，未夠喉，今日再踩過，燃燒脂肪吧！
朝早k即慶咁打電話黎問去唔去踩，二話不說就出發了。
又係佢係筲箕灣上682我係樓下巴士站捕定同一班車，
本來天衣無逢，點知佢架車去到西灣河拍埋另一架682，
到佢架682埋我個站時飛站，被迫上另一架，整定o既。
亦因為咁先有機會係682 o既路程聽收音機，
先知道東區海底隧道同大老山隧道係收唔到，
之後出到沙田第一城唔知係咪大氣電波稀疏，
全程都好沙，始乎沙田區好難聽收音機喎...
到大水坑食個午餐後就出動，路線同前日無乜大分別，
不過都要衰係d欄路位擦傷右手，d欄路位認真靠害，
最賤係落大斜灣前整幾條柱，迫你要係斜位起步咁高難度。
由於今日唔係多人，租單車只係20蚊，答車來回40蚊，
計埋食飯30蚊全日消費100蚊有找，算係咁啦。