由尊特立華特同羅賓威廉斯兩個老戲骨上演一套老人與小孩o既喜劇，
通常都以抵死對白做笑位，可惜講英文，就算d野幾好笑都食之無味，
未能達到放聲捧腹大笑o既效果，極其量只係會心微笑。
如果要靠視覺或動作達到放聲大笑起碼要好似搞乜鬼系列咁，
只係影住條女優美o既沐浴中剃腳毛>剃鬚>剃加拿大毛已經足以噴飯，
或戇豆先生果種倒亂幽默，呢種級數o既笑位響呢套片裡面未能搵到。
故事講兩個事業有成o既老坑突然要湊細路，搞到七國咁亂，
仲爭d(定已經？)因為d細路而搞禍盤生意，亦令兩老坑反目，
最後當然和好同大團圓結局，老坑又贏得細路仔o既歡心。
單睇橋段唔吸引，以我一向o既作風呢類戲唔好話入戲院睇，
電視做緊都轉台，不過朋友有優先場免費飛入去輕鬆2個鐘感覺唔錯 :)