第二次睇普及化3D電影(唔計以前未普及時係主題公園睇果d)，對上果次係冰河世紀3，古唔到愛麗絲想搵2D版都難，港島只係太古UA個16人影院有2D不過盛惠$175。老實講，唔係想慳錢而睇2D版，而係兩個鐘帶住兩個眼鏡感覺惡劣，一直以黎3D電影都無顧慮帶眼鏡人仕o既不便，好心佢就整多幾個size，一d係for帶眼鏡人仕一d係for無帶眼鏡人仕，比入面個眼鏡頂住個勾扣唔實隻耳仔經常鬆左落黎，再唔係佢整兩塊鏡片掛係原有個眼鏡框都好丫。
呢套愛麗絲又係Jonny Depp孭飛，加上迪士尼出品乃信心保証，故事係老作，原著係講Alice跌左落個wonderland遇到好多奇古怪o既野，呢套就講Alice細個跌過落wonderland之後大個左又再跌番落去，變左勇者鬥惡龍，全套戲3D位最出o既係Alice跌落澍洞果一幕同d追逐場面，d文戲就真係3唔3D都無所謂。d熊比人掘左隻眼出黎幾日後還番隻眼比佢可以就咁塞番入去無事o既，Alice飲左縮水藥縮細左d衫會跟住佢縮細(只係鬆少少)，條毛蟲講野又係石內卜教授果把聲...最尾Alice仲將隻惡龍個頭斬落黎，不過個龍頭唔單止無噴過血(塑膠公仔咁)，仲彈下彈下咁碌落樓梯呢下真係笑左。
講開3D電影亞煩達都仲未睇...d朋友要睇o既都睇晒，一係就無興趣睇，都幾難搵人陪 =_="