睇過trailer已經可以知道晒個故事係點，
不過都係睇動作，劇情無所謂。
反而覺得最好睇係中間葉問大戰洪金寶，
沿住檯邊比武保持平衡令張檯唔反。
任達華個仔用相機影低左比武過程，
但番到報館登報果陣係畫出黎，影黎做乜？
洪金寶到最尾都唔差過葉問，
只係身患暗病先輸比鬼佬。
始終大銀幕感染力大好多，
我都被果份滿腔激昂感動到，
不過害我食左一包薯片，今次熱氣啦...
比較失望o既係整套戲BOSS級角色較少，
又話要同全港各門派比試，但肯比試o既得3件，
羅莽同另一呀叔仲要好似落唔到台先肯上去比，
除左洪金寶外就無乜似樣o既角色，
樊少王從良變左閃電傳真機個麥包， XD
到最尾又係例排中國武術大戰外國人，
但外國人果邊只係得一位拳王...
相信套戲過份美化葉問，d徒弟闖禍，
師傅可以當無事發生叫佢坐低飲杯茶。