跟一位blog友提起呢個少年JUMP LOGO，我非常欣賞，順便在此同大家分享~
從正面睇係一個獨眼海盜船長，但只要扭45度就係萌少女o既側面。
意味住少年JUMP既有熱血o既少年漫(海盜)，亦有萌系o既少女，妙呀~

講起LOGO，從事過design行業o既我，對於商標設計有一份執著，
覺得LOGO總要同機構有密設關係，有concept，例如舊時香港電訊LOGO，
係三條白線"T"字覆蓋落個圓球狀，意指線路覆蓋全球，T代表Telephone。
中國銀行LOGO，一個銅錢中間有個「中」字，銅錢同銀行亦相當貼題。
東亞銀行都唔錯，個LOGO係個東字，東字中間藏左亞字，亦有覆蓋全球之意。
仲有一d純粹將機構名稱砌成圖案，意味無咁深遠，例如OK便利店、LG等。
不過有唔少LOGO係毫無心思，例如相機品牌Ricoh、Panasonic、Canon等，
只係用普通字體寫出，求其係電腦都打到出黎，我覺得唔算係LOGO囉。
眼見市面上亦有極多九唔答八o既LOGO，例如pccw果d一格格，Mosaic？
以前亞sir話pccw寄信比客戶，出LOGO要落彩色，因為LOGO係彩色砌成，
單色根本唔係果樣野，變相成本高左。又唔係靚... =_="'