仲嫌香港設計學校唔夠多？十年前設計呢個行業已經飽和，
僧多粥少o既程況下，人工不斷下調。
曾幾何時做設計都幾風光，衣家只會同低收入人士畫上等號。
設計行業向來吃力不討好，每日無OT錢o既超時工作係行規。
香港矢口磚一年容納6500名學生，米玩啦，1日都無1個職位空缺，
一年比盡你有365個職位空缺，即係17個學生爭1個空缺，
喂米住，未計其他設計學校o既畢業生喎，
仲有歷屆讀過設計/從事過設計行業o既失業人事呢？爭崩額頭啦。
一上矢口磚個官網，睇下佢個介紹，做乜d字痴晒地？點讀？
整篇野出黎人地讀唔到叫乜野設計呀？

仲話耗資12億興建，政府有錢唔該做福下社會啦，
每日港鐵金鐘站乘客超出列車上限幾倍，連續幾班車都上唔到車，
好心開多幾個月台整多幾班車啦，做乜整間設計學校出黎一獲熟？
蘋果日報仲批評勞斯萊斯級校舍華而不實，整d V柱阻住人行路，
男廁品字尿兜迫窄，納稅人d錢就係不明不白去晒呢度囉。

d中學生讀完中學係又走去讀設計唔係又走去讀設計，
設計畢業生只會一年比一年多，但設計行業唔會一年比一年多，
今年得十本雜誌下年唔會有二十本雜誌，最多會有五本執粒，
又有五本新o既雜誌走出黎，結果都係得十本雜誌。
d老細唔會因為多左設計畢業生所以開多幾間廣告公司架嘛。
香港又無乜生產業邊洗咁多設計丫？
以上言論只針對政府開設計學校o既令設計界無啖好食o既做法~