Freehand本來係Macromedia開發o既排版軟件，自從Macromedia比Adobe收購，
Adobe本身已經有Pagemaker同Indesign兩隻排版軟件，無理由仲出多隻假？
Freehand o既下場當然係絕子絕孫啦。
我前一間公司就係用Freehand，衣家做緊呢間就用Indesign，摸索左幾日，
就係咁咦講講兩者o既分別同利幣啦。(以下簡稱id同fh)

係整大題方面，id只須o禁個掣就可以整到綑邊、落影、滲光邊等效果，
以前用fh要落影、綑邊就要整多行字放係底，影仲係實邊，無得羽化。
滲光邊仲煩，要用photoshop整個圖檔擺落fh，要移動就要再開photoshop改，
所以無乜必要程況之下都唔整呢個效果。

圖片方面，fh放張圖入去可以直接放大縮細張圖，id就要用ctrl先縮放到，
因為id會預設栽圖框比張圖，就咁用黑箭咀縮放係縮放個栽圖框唔係張圖。
用白箭咀可以縮放張圖，但大過栽圖框會被栽左，要o禁ctrl先可以一齊改。
fh要栽相就要先copy張圖拉個框將張圖paste入去個框入面。
不過例如係id整左其他形狀o既框想栽，就要用白箭咀copy幅圖再paste入去，
唔係o既話就會框內有框。係fh圖片(eps)扭角度變半透明負片色，唔知點解咁，
可能係想提示你呢張相扭左角度定亦或係bug？搞到好肉酸難以preview，
印出黎無事。落tif扭角度又唔負片色喎，但tif容量大run相慢，移1步都lag。
所以fh無乜必要都唔扭角度，不過id就完全無呢個問題。

講下最常用o既屬性拷貝功能，例如有段野要6.5pt中黑體，fh可拷貝屬性，
然後選取果段要呢個屬性o既字/文章o禁一下，全段就會變6.5pt中黑體。
唔洗下下都要重新設定果段野o既屬性，id暫時未發現有呢個功能，
id係果段文字框本身有屬性，只要paste段字落去就會跟果個文字框屬性。

又講下線，唔知點解fh係無圓點線，要整就要自己族點點，id就有得用。

格表(table)分別最大啦，係fh要整格表要自己間框，仲要自己度位就位，
係id就o禁個掣搞掂晒，如果來稿段字已經用tab分好，可以直接置入表格。
亦可以set梅花間竹兩隻色，單數格紅色雙數格白色咁。

另外id亦支援半透明效果，係fh要落半透明色塊踩住張相就要用tif，
踩落eps度會變實色o既，tif又係果句檔案大run相慢移1步都lag...

暫時就講住咁多，遲d再研究深入d就開多個Freehand VS Indesign續集 XD