由於大廈問題，今日家人要上東區栽判院受審，我亦陪同家人旁聽。
睇電視就睇得多，咁大個仔都係第一次上庭(證明我個人行得正企得正 XD
法庭真係好莊嚴，開庭或休庭時全部人都要起立，出出入入都要菊躬，
唔比開電話，如果電話響會即時有警察過黎沒收，仲要抄低你身份證號碼。
d主控官呀律師呀比想像中靚仔靚女好多，真係好似d咩法政先鋒果d咁款，
都好後生，男o既著黑色西裝，官仔骨骨，女o既一身黑色行政服。
今日個法官(栽判官？)係女人，態度極似前公司個老闆娘teresa...
聆訊過程係先叫名，被告行出去，主控官讀一堆起訴你o既野問你認唔認罪，
(哇好似急口令咁一輪咀up一炸野出黎，唔好話d老人家，我都聽唔切)
答認罪，主控官就會講一次案情(其實同前者差唔多)問你同唔同意，
答同意之後個法官就會問你有無野要講，答無就交罰款，next。
而如果答唔認罪呢，個法官就會話案件押後至幾多月幾多號，唔會同你嘈。
好多時個法官問認唔認罪，d友仔係呢個時候係度解釋係好不智，
咩野「唔係呀，果日咩咩咩...」個法官係唔會理你咁多，
即講「衣家係問你認唔認罪呀？」你只可答「認」或者「唔認」，
再嘈就叫你落去，換下一個。快快趣解決d爽快o既case最尾先審理。
傳票上面將我老豆個身份證號碼錯寫做公司註冊編號，
個法官連d主控官都鬧埋「你地點做野架？我講過幾多次...(下刪)」
可想而知個法官幾大權。有一幕審個大陸嬸嬸，個主控官向佢讀普通話，
古唔到佢d普通話程度好一般，d音唔多準同讀得好疾好慢 XD
張傳票係叫我地十點半到，不過12點都未審到我地，休庭都可以休半個鐘...
其實得閒無事都可以走入d栽判院入面坐旁聽席睇下戲架~ XD