諗起一條爛Gap IQ題，最近邊個英文字母發左癲？係i，因為「i瘋」。
係3出機5千幾，綁24個月數據任用plan，預繳左每月都要比二百幾十月費。
呢部係在下第一部所謂o既新世代智能手機，前一部仲係傳統o既N79手機。
當晚旺角3shop要拎籌輪侯，我買iphone4前前後後都有三個人買iphone4...
上網係iphone o既神緒，當然揀任用啦，16GB同32GB爭幾百，邊有人16GB？
-入歌-
本身無用開ipod同iTunes，唔太清楚點入歌，搞左成晚。
原來要同步(個系統係咁叫)，iTunes song list係點iphone個song list就係點，
即係如果換左d歌佢會強制同你iphone原先果d都del埋只入你換左o既野。
一開頭iTunes將我電腦所有歌入晒，連埋d唔3唔4 o既聲效檔、鈴聲等，
要係千百個難以分類o既檔案慢慢揀，煩到爆，一野del晒個song list，
再係電腦開個資料夾只係想入iphone o既歌，剩入果part，就易睇好多。
係iphone係無得del歌，即係乜都要同電腦o既iTunes連動。
-入圖-
入圖同入歌一樣，要用iTunes同步入，無得族張族張入。
為免將一堆未分類o既圖入晒落iphone，先開一個想入落iphone o既資料夾，
只係入果個資料夾o既圖。
-入app-
入application亦要用iTunes入，而且仲要信用卡登記先可以入，
無信用卡部iphone真係廢左七成功力。(唔知jb洗唔洗先用iTunes入？
暫時入左商台、新城、ebuddy、facebook、憤怒鳥等幾個app。
-後記-
我唔覺得用iphone係d咩野潮事，已經係相當普及、相常平凡。
你行出街唔難見到有人用緊iphone，答巴士坐你隔離果個已經督緊iphone。
iphone雖然功能強勁，但作為智能手機乜都要經itunes整，確實諸多限制，
應該以方便為本，我唔知其他如htc等智能手機又係唔係咁反智啦...
相比之下以前d手機，只要將SD卡插落電腦，想入歌入落果個歌o既資料夾，
想入咩圖片就入落圖片o既資料夾，方便好多。
可能iphone無內置FM接收器，無得好似普通手機咁聽收音機，要上網聽，
我有答車聽收音機o既習慣，如果唔係用數據任用個plan，咁聽法就金咯。
|
