無論支持生活態度定支持生活智慧，
但你一定要知道iphone4二手回收價係7千！
繼上個禮拜全新iphone4 16GB先達收7千，
衣家限一人一機後再創新高！用過o既都7千，
咁全新o既我諗過8千唔難啦。
部機都出左咁耐，都無辦法從正常途徑買到，
(即係入豐澤、百老匯擺低幾千蚊走人)
所有電器鋪、賣手機店、賣apple野o既鋪頭都無貨，
唔係比d台綁廿幾個月貴plan，
就要去先達呢d隨時比人換零件二手當新機o既鋪度買。
GZ前同事更日日捕住apple訂iphone4個網，
不過一有貨十分鐘內售罄，之後唔知等幾耐先再有。
(梗係架，買到一部放出去都有2千蚊落袋...)
雖然入手方法好似幾苛刻，奇就奇在一街都用，
答巴士真係坐隔離、前後左右都係iphone4，
就算係學生、師奶都用緊iphone4。
|
