原著出自四格漫，交帶幾個女生音樂青春o既輕鬆小品，
雖然K-ON!第二季動畫及漫畫已經係日本完滿結束，
不過我只係arm arm睇完第一季，就巡例寫下啦。
(第二季唔知幾時先睇完，要等睇晒先寫或者有排)
本來都無諗過睇，由於自己最近都學結他所以點都睇下。
平澤唯果枝吉太係epiphone o既Les Paul，
http://www2.gibson.com/Products/Electric-Guitars/Les-Paul/Epiphone/50th-Anniversary-1960-Les-Paul-Standard.aspx 

秋山澪枝Bass係Fender o既American Standard Jazz Bass®，
http://www.fender.com/products/search.php?partno=0190660700 
 
中野梓果枝暫時睇唔到咩牌子，款一定類似係strat。
以中學生黎講，一人一枝成皮野o既架生都幾狼下...
基本上秋山澪同梓貓係同一個樣唔同髮型，
唔知點解琴吹紬o既人設係要整d咁un眼o既眉毛，
田井中律將流海放落黎亦會變左平澤唯o既髮型，
而所有角色手腳o既比例都係偏細。
ED首歌Don't say lazy好好聽！未睇之前都有聽開，
MV內4位具魅力o既台風同故事入面o既kai格好大出入...
PPS有呢套第一季o既粤語配音版，唔知TVB定有線配，
可以睇得明好多~(好耐無睇粤語o既動畫)
平澤憂居然彈得好過佢姐，無加入輕音部真可惜。
亦無交代憂加入左咩學會...
梓貓要靠tunter黎調音，唯有絕對音感可以就咁調，
(講起絕對音感令我諗起神人Razo就咁用鐵尺彈加農 orz)
最尾果集(定尾2)講佢地渡過新年，呢個日子睇真係應節~
睇完K-ON!都好開心，鬼咩？故事設定得咁歡樂，
幾個主角生處係無憂無愁hea爆o既校園生活，
放假又有富二代提供別墅，咁o既際遇邊度搵呀？
係呢個充滿不如意、財赤同壓力o既現實，
稍為抽廿零分鐘代入K-ON!個世界算係解壓o既麻醉藥。
PS:之前唔記得睇邊個forum有畫功高超o既腹黑K-ON!同人，
講幾位主角畢業後各散東西，一個做緊d低收入清潔工，
睇新聞見到隊友因藏毒比警察拘捕，仲有一個好似死左...
引來一班謮者不安，後証實係非官方作品。