一月新番只睇左這是疆屍嗎、潛行吧奈亞子同sosick第1話，
單睇潛行吧個名仲以為同潛行凶間有關(走入夢去改人思想)
點知係一集5分鐘仲要係用Flash整...無力Orz(比個名fake左)
睇GAForum o既人氣post居然係魔法少女小圓(有30頁討論)
新番黎講小圓贏晒，咁當然睇下咩料。
單睇人設我係唔會感興趣，擺明就係比女仔睇o既兒童節目，
咩光之美少女呀、小魔女DoReMi呀、魔砲少女奈葉我都無睇過，
呢類題材動畫只係細個果陣睇閃電傳真機先會接觸到...
一向魔法少女都比人活力、正面o既感覺，呢套起初都係o既，
不過o答真d，套野幾黑暗，第3話學姐已血腥地領便當。
貫徹魔法少女伴隨一隻可愛生物傳統(eg:美少女戰士o既露娜)
劇內都有隻類似貓或兔o既QB(唔知點解d人叫隻野做淫獸)
QB對於麻美領便當亦豪無感覺，對同伴相殘袖手旁觀，
明明好向陽feel但有黑劇情做出強烈反差感係套野o既賣點，
睇GCforum更有人深入研究，原來作者放左好多玄機落套野度，
例如OP中，圖案轉做數碼，窗外奇怪o既紅色流水變做藍色，
(喻意沙耶加快領便當？)唔講真係唔為意，每集OP都有少量變化。
劇內奇怪o既文字係德文、聽唔明o既聲音原來逆播後係日文，
佢地o既學校係參照現實o既澳洲監獄，好有心機地一一解畫。
的確係套好有味道o既作品，唔係求其K.O隻怪然後升字幕，
而係睇落都有寒意o既黑暗血腥作品。