的確大跌眼鏡，到目前為止3DS已插到2300水位，
甚至低處未算低，開售至今仍未停止跌價。
答載裸視3D，而且有AR辨認系統，應該大有作為丫，
再者一系列大作都未出，照計仲有排玩丫。
或者就我個人而言相當滿意3DS o既畫面表現，
嶄新o既視覺效果令我爭d唔相信自己眼前睇到o既境像，
階因我無xbox360、ps3等遊戲機，審美眼光較低？
又係o既，d人睇慣超靚畫面，3DS o既畫面顯得粗糙，
就算3D左亦抵銷唔到新世代機o既水準...
而首發作品少得可憐，好多人都話唔吸引，
街霸4雖然不失為大作，但亦有xbox360及ps3版，
只係我呢d無果兩部機o既人先吸引到，
再加上唔用joystick打亦係惡搞，無認真玩o既必要...
Ridge Racer趕出貨，仲有好多可以改善o既地方，
亦係玩慣高清賽車o既人未必接受到o既水平。
無雙系列千偏一律打法，3分鐘就過隱，長玩就無力。
泡泡龍呢d野，玩手機版好過啦，亦3D黎無謂。
仲有隻ubisoft o既不知名恐龍Game，
好難令人有意慾去玩，出黎更顯得池中無魚之勢。
任天貓狗、雷頓教授我無玩過，不作評論。
如果首發是但出一兩隻皇牌又唔同講法啦。
貨源充足亦導致3DS欠炒賣o既牙力，
3DS足足延遲3個月先推出，主要避MHP3風頭，
同capcom打友誼波o既比面做法。
不過損失聖誕、新年假、情人節等黃金檔期，
亦係唔出皇牌o既主因之一...
因為咁3DS有充足o既生產時間，好難會缺貨囉，
不過老任o既主機一向走平民價路線，
唔似sony走高檔線吊高黎賣，咁反而符合佢作風。
據聞PSP後繼機NGP係將PS3質素搬落手提機，
不過在下更加唔睇好，除非sony臨時加番祼視3D，
高o既價位又無3D，又打唔到電話，更加唔值。
認真享受畫面點都唔會揀對住個幾吋mon掛？