原定4月新番動畫，日本發生咁大件事要無限期擱置，
呢d時候出等同傷口上灑鹽(遊戲《絕體絕命都市4》亦同病相連
上萬宇在線搵漫畫版黎睇，一路睇一路心諗「唔係咁邪呀fa？」
故事所講o既野同呢次事件都幾吻合(當然故事誇張好多)
又係地震破壞核電廠令輻射涉漏，漫畫製作認真搜集資料，
內容所提及o既化學用字(例如：銫、碘、豪希等
比著以前睇過都唔會留印象，甚至諗「d字係咪老作架？」
衣家新聞或特備節目日日都講，對呢d字眼唔會陌生。
先唔講巧唔巧合，呢套漫畫絕對係水準之作！
尤其是場景o既表現一絕，將幻想o既東京頹垣敗瓦忠實逞現！
差唔多90%都有背景(唔似某d漫畫貼d花花、網點又一格)
節奏緊湊，用3頁紙描述可能唔夠3秒o既畫面(我亦都係用3秒去睇
漫畫都可以做到令人緊張到透唔過氣！讚！不過都幾浪費，
每一格場景精雕細琢，但留響我眼中唔夠半秒...
每一話都有一頁「上回講到」，分鏡同構圖係唔同角度，
咁o既安排週刊o既話ok，用係單行本似乎累贅左d，
不過唔畫都畫左又無理由skip左咁曬架？
主角選用女高中生有賣萌o既動機，不過略嫌樣貌唔夠討好，
好似金田一果d款，如果人設能夠萌d會更perfect！
勢估唔到動畫推出前發生悲劇，少左人認識到呢套佳作...
睇左21話(萬宇係得咁多)故事未完，唔知作者仲畫唔畫落去呢？
但願日本快d恢復正常，千其唔好好似呢套漫畫咁大獲！