呢套好耐之前開始睇，斷斷續續咁間中睇1話，到衣家先睇晒，
相信唔會有第2季(唔通講佢地婚後生活咩？亦無乜意思掛？
PSP版亦有大河被搞大肚o既劇情...啊~我可愛o既大河呀(淚目
套野睇落好似好胡鬧，查實都有幾多催淚位...
都拜釘宮演譯相當出色所賜，例如游泳賽大叫「龍兒是我的...」
睇落大河個款應該係d讀書唔多叻o既人，要龍兒幫佢勉強，
出奇地幾個主要角色學業都唔差，算係校園題材甚少有o既設定。
一個白食、態度惡劣o既女仔有咩吸引到龍兒？我無資格講呢句，
因為換轉係我都甘心為大河勞役同比佢任打任鬧...(遮面
現實世界我亦遇過同大河屬性相似o既人同樣被深深吸引過。
模範生北村墜落、強氣o既學生會長都比大河打到面腫、
開朗o既實乃梨對亞美動粗、每個角色一反常態o既一面亦幾意外。
開頭以為最尾實乃梨會同北村一對(咁亞美始終都要落單...
原來除左大河同龍兒之外其他幾個主要角色都係無乜結果，
反而兩個花瓶角色亦有女朋友，野中藍都係食白果...
唔單止響廢怯少女得唔到沙耶加o既心...又黎吐糟一下，
北村染金毛比學校捉，咁實乃梨d紅毛呢？亞美d藍毛呢？
唔好話比我聽係天生...而全校居然無其他學生會長候補？
4月新番有套《緋弾のアリア》，又係龍與虎o既組合，
個女主角成個釘宮咁o既樣(幾時釘宮o既形象變左咁樣？=口=
未睇キャスト都估到C.V非釘宮莫屬...
過20話o既動畫通常都有兩個op/ed，龍與虎亦唔例外。
總集數26話o既通常14話開始轉op2，arm arm好每個op佔13集。
只有25話o既龍與虎居然要第17話先開始轉op2同ed2，
豈不op1佔16話，op2只佔8話，唔公平喎(19話ed仲係聖誕歌...
另外，漫畫版男角好正太化(涼宮漫畫版o既虛都有咁o既通病
一向唔鐘意漫畫d角色要驚訝或扭計時變左洋蔥頭o既表達手法，
好聽d就叫營造KUSO氣氛，講白d係個畫師偷懶。
而且旁白過多，所以對漫畫版興趣不大...