亞媽經常都想我做份實Q工，話乜都唔洗做番工等放工好爽，
我就係唔想做呢d等發呆o既工，好浪費時間浪費人生o既感覺，
又學唔到野又悶，寧願做份由朝忙到晚o既工感覺充實好多。
邊有d亞媽想個仔做實Q架？真係丫~ =.="
趁仲係廿字頭，我好想跳出出版社呢個框框，
可以做埋inhouse design或者production house，
擴闊自己o既工作範疇，起碼雜誌做唔掂都可以跳去廣告公司，
廣告公司做唔黎又可以跳番去做雜誌，多條出路買個保障。
如果衣家做實Q、店務員、侍應，咁就一世啦，轉唔到出去啦，
調番轉，呢d手版眼見功夫，幾時做都無話唔得架，
做開設計唔做都可以做些粉，但做開些粉唔做無可能做到設計。
慶幸地我身處係一個無乜負擔o既家庭(雖然唔係有錢)
仲可以簡工做時盡量淹尖一d，我知有d人唔容許簡工做，
全家等緊佢開飯，佢只可以一心賺錢養活頭家唔到佢諗咁多，
所以見到有d人廿歲做執貨做到三十歲，咁就一世...
一過左30歲d老細就唔想請個咁o既新手黎學野架啦，
請個廿歲arm arm畢業o既細路可以壓價聽教聽話又好恰。
樂觀d諗或者草草埋埋搞生意囉，不過衣個時勢創業？算吧啦。
|
