番工第三日見到GZ舊同事黎見工，
而我就坐正見工間房隔離，即使掩埋門都聽到對話內容。
巡例老細問佢之前份工因咩事無做，
佢話因為屋企人有事之類，又同老細講唔想再做Game書，
做得Game書耐做到見到Game都怕，話想做mobile果邊，
老細就只係想請Game書編輯，佢當然衰硬啦。
我心諗究竟佢真係唔想做定亦或有個好聽d o既籍口，
GZ做得好地地唔做，話因為唔想再做Game書都好合理丫。
如果係後者咁佢真係唔好彩啦，企硬左兜都兜唔番，
我已經響玻璃窗出面扮睇G-gen攻略比晒提示，
(唔知佢有無睇到，睇到又get唔get到...)
早知佢填form果陣走入去同佢講「公司請Game編輯」啦，
一句說話或者改變到佢o既命運。
之後同我上司傾開，上司話如果佢真係想做，
親自出面同老細開句聲都可以救到佢。
之後打電話諗住同仲響GZ做緊o既朋友分享一下，
點知一打去佢就已經講「你今日見到佢見工呀？」
原來果位事主將件事講比細ken，再由細ken揚左出黎...