近日拉登被殺，今集903摩星嶺4號就講關於呢個主題，
當中講到塔利班政府o既制度都聽到我O左...
有d伊斯蘭國家例如土耳其咁，女性都要好似忍者咁蒙面，
都仲見到隻眼o既，但塔利班係密實到連隻眼都遮埋果隻。
法例規定唔比女性工作(除左護士之外)，最好連街都唔出。
都未算，仲要全國上下唔準聽音樂，結婚都唔可以奏樂曲，
唔準睇電視(不過當地係有電視台)唔準放風箏(又關事？)
男人就一定要留鬚，仲要留最少一個拳頭咁長o既鬚，
唔係o既話要監禁一個月(咁果d生唔到鬚o既人點算？痴上去？
曾經有女性出街著高爭鞋(但已由頭遮到落腳啦喎)
比警察聽到高爭鞋聲會拉果位女士打，仲要打埋佢屋企人，
因為佢屋企人管教無方。
哇...一個國家無電視睇唔準聽音樂唔準跳舞d女人唔出街，
簡直係人間鍊獄，回到石器時代o既生活模式...
細個睇魔神英雄傳就有呢d情節姐，d壞人侵占創界山領土，
再定立九唔答八o既暴政，估唔到現實世界居然有d咁o既樹。