一向都唔睇開港漫，亦無睇過半本龍虎門，
見無線播電影版就睇下啦，到中段係打得幾型o既，
馬坤遇襲果度，佢除條頸巾綁落隻手幾型，
動作一氣呵成無多餘動作唔洗考慮點樣綁，
正常人都要諗由左邊跨過去定右邊攬過去...
然後咩野棍妖老妖企o既甫屎都好有台型，
火雲邪神渣住龍虎門塊牌單手打元華都蕭架，
可見套野d動作真係度得唔錯(梗係啦又元華又甄子丹)
不過尾段d金鐘罩獨龍轉就有d惡搞，
fing fing下雙折棍fing到有團氣圍住自己，
已經唔係拳來腳往o既打鬥啦，表演魔術咩？
王小龍仲識降龍十八掌，囧左，咁有無獨孤九劍？
尾段劇情又係好似周星馳d《食神》、《功夫》咁，
練一日就即刻神功蓋世打贏大佬，
一早搵奇俠教武功咪天下無敵囉，開間龍虎門托咩？
一係話佢地苦練十幾廿年再去報仇都好d丫~