Persona4 第一話
個男主角有d夜神月feel，硬係覺佢一入房會自己奸笑果種，
然而打到中途又真係睇到佢奸笑，似乎都係奸仔。

HUNTER X HUNTER重制版 第一話
重制版畫質上無咩強化過，都唔知重制黎做乜，
我仲期待起碼都電磁砲或花開物語o既質數啦。

王冠之罪 第一話
神作畫呀！人設、背景都係頂級畫風，
早排公佈設定果陣已經感覺良好。
原創故事，劇情好唔好睇就唔知，
未來世界觀，又係內弱無用男主角遇上女神，
然後得到神力o既行貨橋段。

GUNDAM AGE...點解PPS只有預告(仲要第2話都有)
就係無正常劇集，玩野呀？
雖然興趣不大，不過都想睇下有幾低能嘛...
聽講高達識得講野...(龍神號？)
同埋期待向陽畫風突然獵奇(向小圓致敬)