為左趕稿初二都番工，不過12點番到去望住公司個鐵閘，
呢個moment除左擘大口之外都無乜野可以做，陰工。
老細又話吉日開工，落到樓下問番實Q話老細有黎過拜完神就閃左，
算啦既然係咁我都索性收工啦，反正又唔係真係多野做到咁。
行過觀廣一眾Game舖無開工，但見有條友拎住隻Bio Hazard，
走上前問佢邊度得黎？佢指觀塘地鐵站果間Game Hits賣$550，
隻Game官方就定左1月26號出，等得佢出都放完假啦，
放假無Game玩好無隱，好在佢偷跑趕得切放假有得玩，
落到地鐵站Game Hits即磅水唔傾，無落訂就咁walk in都買到，
今日落觀塘總算無白行一趟~